倒數一星期 - - 開始火山爆發~

倒數一星期個日..即係剛過左既星期日..

去左試衫.....本來諗住拎埋既, 因為carmen話早d比我拎...不過..佢見我試左之後又唔fit...怕我呢一個星期會再有大變..所以最後約左星期五拎了..

試完衫..哈哈!就係火山爆發既時候了.....

我同mr b係旺角街頭鬧交囉...內容呢...好無聊...不過我地兩個個一刻就係要爆...就係咁簡單..

試衫個時, 朋友已經同mr b + 我媽咪同妹妹講話, 呢一個星期, 新娘(即係講緊我)會好易發脾氣架...

估唔到佢講完, 一落樓就發啦..

放心, 我地兩個都幾攪笑架, 鬧交好惡架...不過都係手拖手...我諗d人睇到都唔知我地係到做咩囉~.~anyway....我地鬧完就冇事lu~~~~仲要嘻嘻哈哈!!

我地好少為婚事上既野鬧交...只係有一次..為左酒席鬧左一鬧啦..之後好似都冇lu..因為mr b都會就晒我..我想既, 佢都冇問題...當然啦, 我知道佢想點既, 我都會就佢...

仲有5日..............我既心情......唔可以用緊張黎形容...只係.....我都唔知..哈哈哈哈!

要整既野都8899...係有d無無聊聊既, 又想整下咁...

 

希望5日後有好天氣...

倒數了..倒數了..

倒數了..倒數了..

今日係拍拖紀念日 + 求婚一週年...冇咩特別節目安排左, 因為今晚係要去church到做rehersal!

琴晚已送了小小禮物比mr b...honeymoon個時就可以著啦..係d咩?等我得閒個時影張相比大家睇啦..

仲有20日...就係小妹big day lu~~

最近都跟唔同既vendor confirm 時間咁...

可能我仲未識緊張, 再加上d vendor都好好...所以我好放心...其實講到尾都係我懶既...

backdrop - confirmed

wedding cake - confirmed

租車 - confirmed埋時間

photographer - 成長相交左..已經confirm左730會到女家 (今次見stephen, 比起我地第一之見好好多...第一次見個時...覺得佢慒下慒下, 唔係因為朋友介紹, 個次一定唔會比錢...今次一見, 真係覺得冇搵錯人..咁既價錢, 佢比到既野都應該好ok...)

wg + eg - 星期日又fit左一次, 下次24/1去個時, final fit就拎得...carmen話早d比我拎...唔駛我婚前個一日先拎咁辛苦...

依家未做既野...都係d diy野, 可做可唔做既......有時間就整下啦......冇既就算lu........

我既半途而費性格又黎啦...

 

 

 

最後..呢張相係比風風的...因為你黎唔到觀禮係睇唔到架...所以..比呢個樣你睇住先啦.....

倒數2009 + 倒數1個月

2009話咁快就過了..
今年..時間過得好快..快到自己都唔覺..
今年都發生左好多既事..
年頭由book教堂開始了..
一整年都係攪結婚事, 順利的, 不順利的都有..
最唔順利的就係5月..
半邊面疸左...婚紗相都要改期..
令我更知道保住自己健康的重要!

2010
我相信一定比09更精彩
迎接一個新身份
迎接這新身份既新挑戰....

倒數1個月了..
心情仲未識得緊張..
只係緊張自己"aunite"會唔會 "準時" 到...哈哈哈哈哈

everybody, Happy new year Laaaaaaaaaaaaaaaaaa
see u in 2010!

唔知我既big day 會唔會見到你地呢?

something for my mami~

又ko左幾樣野了..花球已經confirm好咩款啦...
一直都3心兩意, 諗黎諗去~
好啦, 依家決定左, 唔駛諗咁多..
不過, 原來我想要個個...要加錢..
woo...咁又比多左200...諗都冇諗..
可能真係到呢個時間, 洗錢都冇時間諗下好唔好lu~

今日lunch個時, 去左搵auntie做婚介...
有佢地幫我整, 真係唔駛擔心~
佢地話幫我搵d靚既碎石啦..哈哈哈!

同時間, 我都叫auntie幫我整多個吊咀比我媽咪

我屋企..唔係d咩富裕家庭
細個既時間好d既, 因為個時媽咪係做生意既, 我地都總算住過大dd既屋..要咩有咩~
不過自我f.5個年..媽咪既生意唔得了..唔可以再做落去..
咁佢就決定做番個家庭主婦..照顧我同妹妹..
就係呢個時候..發現自己個腦有個榴, 個時真係嚇死我, 我冇諗過媽咪一多番d時間陪我地, 就有事了..
好在有天父既照顧..媽咪手術好成功, 身體都漸漸地康復
可是, 短時間都唔可以返工..因為做過呢個腦手術之後, 佢身體既機能都冇以前咁好了...
屋企只有爸爸既收入..總算係過了呢段幾難過既時間..
當然啦, 我讀完書出黎, 好左好多..因為我都有份照顧屋企架麻...哈哈!
我地屋企好樸素..不過我地屋企人既關係比起以前好好多...
呢樣真係好感恩呢..
一直我都以為媽咪唔會介意樸素呢...直至我結婚, 佢要諗著咩衫..同埋手飾問題..
因為我未來奶奶有好多靚手飾..多到有d都仲未帶過...
當然啦, 佢都有叫我揀番d結婚個日帶, 就唔駛帶"豬二星"啦~~
我將呢樣野話左比媽咪知...佢好開心奶奶都算錫我..同埋我都有d野帶下唔駛煩..
不過睇到佢個樣, 就知道佢心入面諗..咁佢點算呢?
其實做女既我真係好冇用..唔可以比到d咩媽咪..
所以我同mr b講左呢件事時, 我地都二口同聲話, 將本來諗住買/租我d手飾既錢, 係我auntie到整番個吊咀比媽咪

今日..我揀左個好野...個款都幾好架...heehee~
雖然係碎石款, 不過加加埋埋都有成卡既份量
希望媽咪收到會開心啦..
就當係個女同未來女婿送比佢既禮物~多謝佢照顧得我咁好..>u<

 

仲有2個半月...

原來我10日冇update過..
太忙...可能係...
呢10日, 日日都做唔同既野, 想快d可以完成呢..

body check, 終於都做左..
姑娘仲同mr b講..
你身高:188cm, 體重 : xx kg
係屬於一級肥胖..
mr b: 下.........
姑娘: 係呀, 我地叫呢d做一級肥豬!!!要減20磅先得啦~

哈哈哈哈哈哈哈哈哈哈哈哈哈哈哈哈哈!!!

 

US visa
今朝一早, 同mr b一齊去左apply..真係呢..好多人等呀!
不過我地都算好快同好順利攪掂..
依家真係可以講, us, we're coming!

 

油畫..終於都有定案了..
就係呢一張...

我自己覺得成幅poster咁呀!
我地就係鐘意咁...太過standard既油畫, 我都真係麻麻....
所以攪左咁耐都仲未可以confirm到..
呢一張, 就係因為ip排既album, 比到idea我地...
就係咁...本身既24" x 30" 既油畫, 我地乖乖地比錢做成20" x 40"
諗起我地間房結婚後有呢張相出現, 我就覺得開心啦...heehee~

最近都係diy 帖既item...
我好快會share下我church invitation架啦..因為我已經整晒..yeah!

 

油畫??????????????????

又係油畫??????

係...冇錯...因為上次到最後..都係未決定既....

好似決定左, 但又好怕自己後悔....

不過今次....都已經決定左係只會係呢2張到揀...

其實係差唔多架咋......之前一直都冇諗過揀右面個張..因為個orignnal係全身相, 所以個頭好細.....真係咩都睇唔到架....

點知, 係睇album layout時, 佢地crop左出黎...放大左...

e??咁咪即係可以揀呢張囉??

所以....又諗又諗~~~~~~

仲有2個幾月...

雖然我上星期..個心已經飛左去honeymoon..
不過我都真係有比心機安排結婚野架...heehee^^

伴娘裙
星期一個晚, 同左伴娘小姐去百利到揀伴娘裙
其實百利呢....well =.=
有d鋪見到又多人..又細...我地都冇心機入去..
仲有..一條裙係唔同既鋪到見個價可以有好大既分別..
起初伴娘睇中左一條..第一間980, 第二間我地又見到, 一問 780...心已經嘩一聲...
最後, 我都係帶番佢去我買黎影pre-wedding短裙個間, 因為我買個條, so far真係冇咩地方見過, 同埋, d紗真係好soft好靚..
個老闆娘, 一見就認得我~~heehee~我地都係佢呢到見到之前睇中個條...老闆娘開左個友情價比我 - 550!
不過佢之後同我地講, 叫我地唔好揀, 個條咁common, 周圍都有...佢介紹左2條, 佢話係靚料同埋自己design呢...
雖然都係好簡單既裙, 不過個料又好似真係舒服d啦...貴dd啦..不過最緊要個效果好呢..
伴娘一試, 即話好鐘意...
ok, 比錢!!

擬結婚通知書
星期六個日, 一早同左mr b去左攪啦...
預約左9點, 一早填好埋份form先去......好快已經攪掂!

姊妹裙
星期六都約左其中3個姊妹去百行confirm姊妹裙
睇黎睇去...最後都係揀左3樓個間啦.."姊妹裙專門店"
我只係揀色揀料...
初初我真係都想揀銀色架..不過又真係好麻麻地呢..
所以最後都係揀番米白啦...諗住加d銀色野上去都ok麻...
經姊妹們試試睇睇..最後都成功揀左料..
之後叫佢地揀款...唔知係唔係因為個隻料冇咩款揀, 佢地3個竟然最後都決定左, 不如全部人一樣款, 自己再diy dd去改一改條裙既details...
我聽到好開心..因為佢地都話一樣款影相靚d...
而佢地都好有心地係到諗話可以自己改一改d 野, 令到條裙personalized d...
就係咁, 好快, 我都比晒錢~~~~~~
等埋下兩個星期其他姊妹去度身就ok啦..
希望大家都開心啦!!

龍鳳床上用品
星期日同媽咪去完church, mr b都出左黎諗住join我去婚展..
點知媽咪話佢睇左成個week既龍鳳被, 想我地一齊去睇下揀下啦
講真, 雅芳亭既wedding series....冇睇相咁靚呢...仲要貴咁多..
我真係唔捨得, 媽咪都話唔值架...不過如果我地鐘意既都會買比我地啦
媽咪話佢呢個week, 日日都去jusco到睇下有冇其他款arm我地,
就係比佢睇到有一款係普通set都ok...之後一定會用得番...
仲要係......平4倍!!!!!!!!!!!
我地揀左king size一set都係$489..太好了...
之後仲買左2個pillow, 佢地做緊減價...全部加埋都係7百幾...真係半套wedding series都未買到呀!

婚展
今次係買餅咭 + haagen dazs coupon
好快攪掂!!
又完成一樣

之後就係睇租車..
well..間間都唔係太合心水, 感覺唔太好..
所以都係決定番用強記旅運...
租大車平d...同埋佢地d車真係好good!!!架架都一樣都係purple架呢..睇落去開心d呀麻..
夠晒eye catching, d人一定唔會上錯車啦咁^o^

睇婚介
其實我地一早已經target左去shoebridge到睇架啦, 因為之前我地已經上網睇中左
今次, 緊係去試下帶上手好唔好睇啦...
試左...覺得太幼..唔太prefer..佢有得造粗d..報左價都好似好合理喎..
即打比我auntie..同佢講晒個details, 石有幾多分等等...
heehee..緊係我auntie個到平好多啦...平成4k.....咁再整好d都得啦...
所以呢一part都可以話ok啦..
遲d會搵佢試size就開始整啦........................yeahyeah

花球
呢個呢...一早揀好左想join卉豐..
點知佢冇擺今次expo..
冇計啦..咁我只好下星期日去佢門市到join啦...

今個week總算完成左好多野....
呢排太多野要做...攪到個人好似冇咩記性咁啦...哈哈~依家攪擱掂咁多樣..
咁都放心dd....之後就可以全力diy 呢~

nba tickets
今日都已經揀定左....貴dd就貴dd啦..真係估唔到仲要收service charge, 好在佢offer我free shipping...
不過free shipping都係 us only...
anyway...依家攪掂左就可以book酒店啦~~

進入倒數3個月

話咁快進入倒數3個月了..

琴晚同mr b 枕邊話, 大家都係到諗唔知到時會點呢~好期待~~不過我諗我地更加期待既係婚後的每一日...返到屋企見到對方......雖然我地依家weekend都係sweet home日對夜對...不過唔同既~~~heehee^^

mr b話佢會喊喎, 我就仍然好口硬話我一定唔喊...其實...well..我係一個好易喊既人啦..哈哈!!

mr b問我點解...我既解釋係....因為我唔想喊到個妝花左, 影相唔靚啦.........佢即刻無言....

又係時候update下個check list先~~~

 

旻 “the day when 2 become 1” 31st January 2010
註冊
地點	St Margaret’s Church		已付$1000 deposit
時間:	14:30 – 15:30
神父:	劉志剛神父		已邀請
指揮, 詩琴:	已邀請
歌詠:	少青團		已有練歌schedule
領洗紙:	已申請		已拎
教堂紙:	11月頭申請
神父查詢:	未做
婚前輔導:	7月已完成
婚禮歌曲:	已初步confirm
婚禮經文	已搵		未比神父approve
Invitation:	Diy		已經開始左, 希望10月內完成
Booklet:	Diy		已完全左封面+底
回禮小禮物	Diy		已經買埋棉花…開工中
證書套	Diy
嘉賓簽名筆:	Diy
簽紙簽名筆:	未諗
Wedding band	已諗好款		11月中搵auntie造
介指枕:	Diy – done
簽名board:	diy
晚宴
地點:		Times Square 聘珍樓	10月9 傾details
佈置:		Jnc wedding + 聘珍樓	已比deposit做backdrop
帖:		酒樓提供 + diy	已開了牛油紙的部份
利是封:		Diy	整緊, 想10月內完成
Menu:		Diy
音樂:		未搵
紅酒:		未諗	酒樓有提供一圍2支, 諗緊會唔會再加
片頭:		Stephen image提供
Thank you video / pre wedding slide		未諗好…..
啤牌:		Fion幫我買左! (yeah!!)
糖果:		未諗…
簽名布:		Ip 提供
Welcome board:		Diy	整左一半…要乖乖整埋去
簽名筆 & 筆筒:		Diy
Seating plan:		Diy
回禮小禮物:		聘珍樓送	應該會10月confirm埋印名個part
Table no:		Diy	整左d…heehee
Photo corner:		Diy	已有idea, 未開始整
婚紗相 & 當日攝影
婚紗相:		1: CDL – 已影, 已拎
		2: IP – 已影	等緊album排版, 油畫 – ok
婚禮攝影:		Stephen image 2p + 1v
Snap:		朋友大口
片頭交相:		11月中
Mr b
禮服1:		Done!
禮服2:		未造	已有idea, 大約11月去造
Bow tie:		已有齊
禮服皮鞋:		已有
Ms b
註冊婚紗:		時式 - 已造好
註冊頭紗:		Diy	已加工, 會再touch up
褂:		Cocoon #28
March in 婚紗:		時式 – 已hold	會再睇下轉唔轉
席前晚裝:		時式 – 造緊中	等fitting
敬酒晚裝:		時式 – 造緊中	等fitting
送客晚裝:		時式 – 已造好!
褂鞋:		又係fion幫我買左, yeah!
婚紗鞋:		諗緊買唔買….
晚裝鞋:		已有!
飾物:		1. march in birdcage veil	Diy – done, 再touch up
		2. 婚紗頸鍊	未搵
		3. 席前頸鍊	Diy – in progress
化妝:		已confirm
媽咪, 奶奶 + 兄弟姊妹衫
媽咪衫:		已confirm	可能會轉款
奶奶衫:		已買
妹妹衫:		時式 – 已hold
兄弟:		Tie 已買, 其他details未諗
姊妹:		未confirm
花
花球:		未決定
伴娘花球:		Diy
花女花球:		Diy
花女頭飾:		Diy
襟花:		Diy
花車公仔:		Diy	整左d………..
車
花車:		已安排好
兄弟姊妹車l		未book	24人van
教堂工作人員車:		未book	60 人旅巴
其他
婚前檢查:		未決定
Honeymoon:		Should be US
過大禮:		應該係12月頭
餅咭:		11月婚展買
唐餅:		唔駛買, 因為聘珍樓會送d
Run down:		未諗
Mc script:		未諗
Guest list:		有初步構思
Table list:		有初步構思

 同場加影, 我整左d既table no...既背面...前面既數字...未整
呢個係我最鐘意自己diy的rubber stamp...好有囍慶既感覺!!好開心....