7個月的 bbb

 
 

Date back: May 20, 2012

我係一個精明既媽媽(自己認為)
唔確定既野唔買
唔知bbb鐘唔鐘意既唔買
所以麻, bbb原來冇咩玩具, 開始大個, 要玩多d…
所以都開始物色玩具

踏入7個月, 媽媽帶左bbb去玩恩言既玩具, 仲有頌頌bb, 目標係rody~!
好早已經想買, 但貴又唔算好貴, 不過都唔平架
如果bbb唔玩, 咁咪好浪費…所以先去試玩先, 再決定

哈哈~bbb一坐上去就好鐘意了, 媽媽可以不買嗎?

時間過得真係好快..話咁快就7個月, 即係話我都堅持左7個月既人奶~
我係bbb6個月個時已經冇泵奶…冇計, 真係冇時間, 加上壓力好大~
反而冇泵之後, 真真正正個人輕鬆左好多好多~
感覺自己重新左一樣~
只不過我都仲未收奶, 我依家會早晚埋身餵bbb,
我通常都係訓係到餵奶, 而bbb知道係食奶, 佢都好自覺地轉身過黎我到~

呢種感覺真係好sweet, 望住bbb大, 就開始好唔捨得佢大得咁快,
好多野未至於懂事, 但感覺到佢係知道發生緊咩事~

食: 人奶+3餐奶粉 (一日5-6餐, 7安), 再加米糊+菜蓉果蓉小食

體重: 9.32 kg, 又重左, 依家真係大大隻, 不過好似只是向橫發展, 冇咩高到咁?!?

食係依然冇咩進展, 都係媽媽懶…
好多時都只是分咐工人姐姐整…
而工人姐姐好有經驗, 有時都會教番我^^
我呢個做媽媽真係冇用

bbb既schedule, 都係姐姐幫佢定既…
working mum真係冇辦法, 有時都要睇開d, 亦都好安慰姐姐都湊得唔錯~!

好神奇既是, bbb 踏入7個月前的一個星期

戒左夜奶

佢第一晚自己戒左既時候, 我成晚都訓得唔好,
醒左好多次睇bbb, 因為覺得冇理由咁好訓..
自己都有驚架…
去睇下bbb係唔係仲有心跳同呼吸

就係自呢一晚後, bbb就冇再半夜起身喊奶了!!!
真係好神奇..本身我同mr. b都諗緊應該點做去幫bbb介夜奶, 到最後原來bb真係會自然地介架~
bbb半夜都會醒一醒, 比番個奶咀佢, 就會自己訓番~!amazing!
媽媽終於都可以有番覺好訓架啦~

抱抱

開始舉起手要抱抱, 好得意架, 舉到雙手好高, 不過媽媽成日都唔會即抱 =p

而且覺得bbb好慢熱, 出左街就成日要痴住我,
加上學識左舉手, 成日舉手…
哈哈哈~媽媽要帶bbb多d出去玩先得啦~

爬

有d朋友既bb已經開始爬了, 不過bbb麻
唔知係唔係個肚頂住, 一爬佢係地已經大叫…
比佢激死
已經好耐冇見佢轉過身啦
bbb會唔會唔記得左點轉架呢?

頭髮

已經生番好多出黎, 不過依然好少..
好期待可以同bbb夾髮夾呀~!!!

5個月的 bbb

Date back: Mar 20, 2012

 

食: 人奶+2餐奶粉 (一日6-7餐, 6安), 米糊小食

 

體重: around 7kg

 

在4個半月時, 有一天我重感冒, 所以不能埋身餵bbb, 只好食奶粉了…還記得當晚放工, 頭暈暈咁去買奶粉, 正正就時搶奶粉熱潮之時…我沒有心水, 只是見到那一款有貨就先買一小罐頂住先…第一次買到的就是美素佳兒…第一次給bbb吃奶粉, 結果是, 跟平時一樣, 快速吃清光~

 

之後我才慢慢地再搜尋那一款奶粉會比較好..最後, 我選了荷蘭holle, 是organic, 沒有添加任何味道, 最接近母乳的, 而且價錢不是特別貴, 購買都很方便, 在家附近有一間樓上鋪可以買到

 

轉奶粉 – bbb算是對食沒有太多要求的bb, 有得食便可以, 所以轉奶粉, 話轉就轉了~

bbb都是一個為食bb, 所以差不多到5個月時, 開始比米糊做小食~

 

另外, 4個半月時, bbb已經懂得轉身, 有次試過半夜跟她換片, 一放她到我床上, 她自己就好快地轉了身

 

夜奶依然…未有想迫她介夜奶, 希望她可以追回一些磅數

 

其實bbb係4個月後都好明顯有好大既進步, 食玩訓都好定時, 晚上8時多, 開始會見到她的眼訓樣…bb都是早訓的乖, 至少媽媽可以有多一點點的私人時間吧~  

bbb的第一轉
 

自從識轉後, 成日都轉~ =)




開始表情多多, 多了笑
 

 

 
已經開始坐, 不過坐得不定, 同埋都只會坐一陣

4個月的 bbb

Date back: Feb 20, 2012

見到人人都有幫自己的bb月月總結, 我呢個媽媽實在太懶了..

第二, 三個月既我慢慢先補回

食: 全人奶, 一日食6-7餐, 5-6安

體重: 6.29kg

夜奶: 未介...半夜至少會醒一次喊奶

體重對於人奶媽媽是很重要的, 次次去健康院都好大壓力呢..重得不夠, 一定會比人話..
而且婆婆成日都會話bbb唔夠肥嘟嘟…….
確實, 我自己都覺得是…不過我可以點呢?>.<

所以bbb在4個月時有差不多14磅, 我開心左好耐呢~~~~終於都唔係排迴係10-25的成長線, 可以去到50~
唔係講笑, 初生的bbb真係又瘦又黑, 又鐘意喊, 媽媽真的好擔心呢…

晚晚訓前都會哭, 快則哭幾分鐘訓著, 慢則可以哭夠15分鐘先訓到….所以麻, 唔好講什麼什麼如何訓練bb獨立等等…
即使抱著都喊, 做媽媽的我點忍心放低bbb自己係床仔呢~唉…

婆婆每天都會到我家陪bbb玩, bbb真的好幸福, 亦都因為婆婆天天都到, 我多了一份放心~
當然啦, 婆婆都會寵bbb,
不過亦會教bbb, 好似自己揸奶樽…奶樽就太大支, 不能成功揸住, 但手隻都有意識的,
至於水樽, 10次有7次bbb都肯自己揸架~

至於我, working 人奶媽媽路不易行, 日日都要偷偷地lunch時出去泵奶,
5點又要偷偷地搵地方又泵, 真係冇晒自己私人時間..
最怕就係有人約食lunch......
放工都係急急腳返屋企, 因為我泵出黎既奶只可以留到聽日我返工時餵..
所以每日放心都趕返屋企埋身餵..
因為餐餐清既關係, 自己比左好大壓力自己....

bbb 與貓貓

一講起寵物與bb, 大多人都會認為他們不能共存

當然, 如果我本身家中沒有貓貓, 我也不會”特登”去養一隻, 但我本身已有貓貓, 我絕對不會因為這樣就拋棄牠們

沒有養寵物的, 大多都不會明白做主人的感受, 而我跟mr. b 已經當了貓貓是我們家的一份子~是陸家的其中成員

回想起, 其實都不是你想怎樣就怎樣, 有了bbb的時候, 奶奶已經開口要我們不要再養, 聽到又不可以駁咀, 只可以心中說”貓貓不是玩具, 不是你說拋掉就可放進垃圾筒的” 真的很嬲, 還好的是, mr. b跟我的想法一致, 由他向他媽媽說不最適合不過~

然而係眾人眼中的敏感, 衛生方面我們都有比較小心, 希望不會成為了要拋棄貓貓的理據

衛生可以控制, 然而敏感不是我控制範圍內的事, 不過我深信, 一開始就接觸, 敏感的機會都會減少的!

bbb第一二個月時, 都唔會比貓貓接觸的, 當然家中貓貓都會好奇, 這個常大喊的小伙子是什麼東東~不過我們都會防止貓貓走近, 再加上一枱空氣清新機..希望可盡量隔絕貓毛…..

bbb3個月時, 在我們監督下, 會讓貓貓接觸bbb, 初初牠們會走近, 然後大多都只是聞聞bbb的腳仔, 之後就會聞手仔, 再之後待bbb睡著了會聞她的頭仔~(哈哈哈~~牠們可能心想就是這個we we wa wa的嘩鬼跟我們爭寵)

到現在, bbb是很喜歡貓貓的, 隔遠見到貓貓就會興奮的大笑, 會尖叫..最近還會用bb語言叫牠們的~即使去到婆婆家見到不同的貓貓都會興奮~

依家仲會主動要申手摸貓貓, 摸會仲會自己好興奮架~表情好好笑

慶幸bbb還未對貓貓出現敏感, 亦未有任何損傷~不過即使有損傷, 我相信對bbb都是一種教育~

bbb - 100日的波點派對

date back: jan 26 2013
bbb's 100th day party
theme: polka dots :)

還在放產假時, 已經構思bbb的100thday party

在decoration, invitation, 食物, 小禮物都有盡過一點力, 當然是有好多朋友係背後出力啦..

好開心, 各人都有盡力在身上加有波點點出席..

唔講咁多, 睇相好了!

邀請卡
 


波波deco, 我仲print左bbb 由day 1 - day 100既相, 當然中間有唔齊, 不過已經是一個好好的回憶



 

 


 

小小禮物 (1)

 

 

小小禮物 (2)
bbb好幸福, 有契媽親手為她做既icing cookies, 好睇又好味~~~~

 

真係靚到嘩嘩聲~以後每年的生日會就靠你啦..heehee =)



呢個bb可能知道自己係主角, 比我地捉住影相影左成個幾鐘都冇發脾氣~

全身波點的主角
 

不過就.....恰眼訓!!!!唔通媽咪咁攬住都好舒服....

 

哈哈哈~就係咁, 訓左~
 


蛋糕都未切, 主角訓左......?!? 好狠心地叫醒佢, 切埋蛋糕先啦.......

 
  不過都係敵不過周公...(平時係屋企又唔見佢咁易訓....玩野...)
 
 
  


所以最後, 蛋糕還是由爸爸媽媽切吧~
  

 




沒有契媽s, party不會這樣完美, 是我幸福, 還是bbb有福? 管不了, 因為你們一輩子也要為我這個負責烏龍的好朋友操心的~走不了的啊~呵呵呵
  

最後送上, bbb最精靈的相一張


  
 

Bbb的第一個月

Date back: Nov 20, 2012

bbb出世的第一個月, 即是我非人生活的第一個月

好多人都說, 初生bb只有食同睡, 可是呢, bbb多了一樣, 就是勁愛哭

愛哭的情況試過嚴重到可列入為 [激爆喊] , 即使抱住, 搖住, 比奶咀…等等, 都是沒有太大效用

餵人奶的我, 真的沒有精力再去了解, 基本上我餵完奶就交比媽咪攪掂…要知道, 兩個鐘一次, 每次最少30分鐘, 再隔一陣又夠兩個鐘………..真的沒有得好好睡!而且, bbb準時過所有鬧鐘, 一夠兩個鐘就會喊醒!

體重: 3.54kg

只是剛剛合格, 比起初出生時只是多了0.43kg

出世第二天

 

健康院是每星期都要去, 因為怕唔夠重, 另外黃疸方面要跟進

‘人奶媽媽好大壓力呢, 怕bb食唔夠, 重唔夠…好在有自己媽咪支持, 時刻記住 [只要bb夠片濕就是正常呢個道理]’

第一個月就是哭哭喊喊地過了. 得出結論是, 要是對你朋友/親朋好的話, 第一個月盡量都不要去探/睇初生bb跟新手媽媽, 一句真心的慰問會更好!

有時間, 給新手媽媽好好的休息一下吧!

bbb出世的一刻 – II

 

 

入院第二天

 

一早就痛醒左幾次, 平均15分鐘就一次痛到醒的

基本上我沒有去玩fitball,沒有周圍行 – 實在眼訓加痛到沒有心情呢~

10點多, 媽咪探我, 帶了一些日用品來給我~由於不是探病時間, 我只好跟媽咪出

外走走, 順便去7-11為電話充電~

完全沒有準備好就入院, 電話經常沒電 (記得將來再有機會生多個時, 要準備幾個外置叉電XD)

間中痛到行唔到, 媽咪仲要講, 話我應該仲有一段時間要痛…依家的未算最痛

還記得我問媽媽點解我一開始沒有選到要開刀呢….証明當時已經開始痛到有點後悔

回到病房, 已經是中午飯…認真的講, 醫院的飯菜真的好難食…完全沒有味道的!!

已經痛, 加上飯菜普通, 只是吃了幾啖湯飯~

(醫院的飯餸真的不吸引, 仲要係0味道)

 

痛楚開始加劇..不能夠躺臥在床上, 坐著感覺好似控制到痛楚…(當時可能已經痛到冇感覺了)

好不容易, 才痛到5點的探病時間 (這就是私家醫院與証府醫院的分別….)

終於等到老公來到, 當痛的時候, 絕對係唔想見其他人, 自己媽咪同老公除外…

(已經痛到不可以坐直, 還有心情見無謂人咩, 請留番個位比老公)

老公一到, 我終於忍唔住要求姑娘睇下我, 我十分覺得自己係應該生得…當然最後得出結果係..未得, 一度都未開…

5點到6點, 呢一個小時, 除了痛, 都記不起是怎樣過…我忍住沒有大叫, 因為怕用晒d力, 加上成日聽到d人大叫比姑娘鬧, 所以我只有忍耐~

6點20 分 – 有個話完我既姑娘主動檢查我的宮頸時, 見到我的晚飯沒有食, 已經話連晚飯都未食, 點會有力生, 你仲有排痛呢..心裡真的好想喊, 究竟我仲有幾耐先生得呢..?!誰知, 一檢查就已經開到7度了, 即被安排推落產房

最後人手穿水, 沒有笑氣, 零止痛下, bbb 6點36分出世, 重6磅8, 女仔~

抹左乾淨, 姑娘就比bbb埋我身邊食母乳~我的人奶路就係呢一刻開始...

愛吃的bbb, 阻佢食奶...喊!! 
(張相係唔係好性感)

返到上病房都已經8時了, 過了探病時間
但係姑娘都比老公媽咪係出面等, 等到bbb沖完涼見左面先走~ (政府醫院也有友善的姑娘呢~)

我被安排到一間二人房, 心想: [正呀! 咁一定可以有覺好訓, 完全忘記了沒覺好訓的生活由bbb出世開始....]





看到這兩張相片, 很懷念初生的bbb, 其實她很可愛的 =)

bbb出世的一刻 - I

雖然過左咁耐先blog番

但個過程仲好深刻

有時都會同老公回味下 =p

- - - - - - - - - - - - - - - - - - -

話說我返工返到38週5

最後一晚返工ot到9點幾..都唔好話唔攰

不過諗起可以放兩個月就算啦~

記得夜晚上床時, 有感到好似有丁點震痛

不過自己都唔肯定, 太攰下, 大覺訓

19/10朝早6點幾, 痛醒左, 不過都未係好痛, 個一下都有諗緊係唔係

(心諗, 唔通bbb真係知道媽咪既心意, 咁快要出世)

話左比mr. b知疑似震痛, 我亦都好定咁叫佢返工, 因為都相信bbb未咁快出世

之後一於唔理, 訓左先

(我整個孕期都好訓得, 估唔到去到呢一刻都仲係最緊要訓覺)

到9點到, 開始有規律地痛

即download 個app黎計contraction

(再一次証明我真係未有諗過我產假第一日就要入院準備, 我仲plan好左好多野想係入醫院前做架..!)

計計下又問下人, 再一次訓左

到12點, 開始計到contraction有5分鐘一次, 每次長達12秒

就動身準備入院

換衫, 去食個早餐, 打比媽咪

依然輕鬆, 但未有太大痛既感覺

 

去到QE, 做了一點簡單的檢查, 而且發現見血就入院了

先駁機一小時, 當時是兩點鐘, 由於不是探病時間, 所以媽咪都不能陪伴而選擇先回家等消息

一直姑娘都只是問一d簡單問題,

“咩事入院?” “震痛, 見紅” 震痛大約5分鐘一次, 每次大約15秒)

問完, 姑娘同醫生都再沒有任何回應, 亦都沒有再進一步的檢查

(想問好多次, 不過又好怕羞, 自己仲心諗, 唔係要check下我開左幾多度咩? – 明顯是我睇電視劇太多, 加上10月真的很多待產孕婦, 醫院沒有足夠的人手…)

行得, 食得, 訓得 - -究竟我生得未?

Mr b係探病時間來到, 帶左乾糧, 糖果, 雜誌, 好讓我晚上時間可以過得容易點

結果呢, 我都好早就訓了, 而其他時間都因為有點痛而沒有胃口心情

第一晚就這樣過了...

bbb依然未肯出黎見我地~

 

新手爸媽育兒實習課程

一直都好想上多d講座, 想自己可以照顧bb無微不至, 醫院那一些的講座, 我次次都錯失機會...

係媽媽會中, 見到其他媽媽上陪月班覺得好開心, 所以就開始research下了~

新手爸媽育兒實習課程– baby planner

 

第一堂: 產前準備及分娩時配合事項
懷孕期常見不適及處理方法
孕婦按摩
產前飲食注意事項
產前檢查的認知
分娩徵兆
生產過程
分娩時止痛法
分娩呼吸法
正確使用嬰兒包被

第二堂：坐月須知及嬰兒餵哺技巧
入院用品準備
產後護理常識
傷口的護理
產後禁忌
產後飲食注意事項
選擇合適奶瓶餵哺工具
餵哺工具的消毒及儲存方法
開奶程序
餵奶及掃風技巧

第三堂：初生嬰兒護理程序(沖涼,穿衣)
穿衣方法
嬰兒沐浴示範
嬰兒面部及臍帶護理
選購嬰兒衣物注意事項
體溫測量

第四堂：嬰兒日常護理指南(按摩,睡姿及抱B手勢等)
換片程序
嬰兒哭鬧處理方法
提升嬰兒的睡眠質素方法如
-睡眠姿勢及抱BB 手勢
-選擇合適床上用品
-嬰兒甜睡按摩
嬰兒體重,身高及頭圍發展

 

 

香港人才培訓中心 – 自己做陪月

 

 

課 堂 主 題	實 踐 內 容		主 理 導 師
母乳育嬰及奶瓶餵哺	母乳餵哺姿勢 上奶/擠奶技巧 母乳貯存	奶粉/奶瓶選擇 奶粉沖調 奶瓶及工具消毒	資深註冊護士/助產士 (平均愈10年臨床經驗)
BB沖涼及衛生護理	沐浴程序及須知 清潔臍帶 口腔清潔	BB穿衣 更換尿片 便後清潔
BB照顧技巧	正確掃風技巧 常見BB身體問題 常見BB皮膚問題	解決常見問題 分辨ＢＢ喊聲 產後心理
媽媽坐月子	認識坐月 驅寒秘訣 藥膳食療	炒米代茶 坐月湯水 挑選藥材	經驗註冊中醫陳醫師 (行醫愈十載)

 

課程內容其實大同小異, 加上上課時間, 地點等等的原因, 最後我都揀左baby planner, 覺得好似全面d, 而且我對於hkmdc 既坐月子內容冇興趣~

 

最後獨立加參加埋baby planner 既母乳餵哺實習班, 由於佢係資料到講明只可以係準媽媽自己上堂, 覺得呢個班一定好堅! 同mr. b講, 上母乳班, 唔比老公一齊架, 唔知會唔會真係叫我地拎個胸出黎實習呢?哈哈~~

 

呢兩個既實習班都係鼓勵準爸爸同準媽媽一齊上的, 照顧bb不止是媽媽的責任啊~!!




每對準爸媽都會有實習BB一個, 加上內容所教既技巧都會有練習機會 (當然係用實習BB黎練啦XD) 每堂兩小時, 好快就上完了~ 地方唔算大, 不過乾淨舒服~後來都上晒醫院的講座, 內容其實都好似, 不過我覺得, 聽多幾次都好架, 可以令自己心理上準備得好d!

內容: 內容可算全面, 基本上姑娘都會講到一般會出現既問題, 令準爸媽可以獨立地照顧bb

實用:新手照顧bb真係一個學問, 當然啦, 你唔會係4堂8小時就學懂了如何照顧一個bb, 不過上過堂始終係有用的~!

趣味: 都算有趣, 因為有實習, 所以唔會好似永遠都坐係到聽, 都唔會悶

講者:資深註冊護士, 有說服力, 唔會只係姑娘角度出發, 亦唔會只是否決老一輩的所有講法, 至少都有附上解釋

baby planner: http://www.babyplanner.hk/index.php