我終於都搵到一個自己咁懶update既藉口..
其實就係..因為..我係一個唔識得表達自己既人
無論係文字上, 語言上, 或是人與人之間既感情上
講到尾都係個人太膚淺了
一直都好鐘意睇到一d blog用簡單文字已經可以講到自己想講既野..呢一樣, 我做唔到..
言語間, 我係一個好直接既人...可能太直接了, 有好多時傻更更地得罪了身邊人都唔知~
人與人既相處, 更有問題..即使對住好好朋友..都唔識得表示出我既關心..有時我會諗..
如果我講出某一句關心既說話, 唔知會唔會覺得我好假呢?
anyway,呢d都係我既缺點
希望改得了....
- - - - - - - - - - - - - -
晚宴同普遍hk既banquet都不大差異..
最重要既係, 我地開心..好好enjoy到我地既wedding party~!
當然玩遊戲, 抽獎, surprise個d我地都冇..因為在於我地而言, 呢d野與我地好似冇咩關係, 亦都冇咩需要去做一d野比人睇..所以唔會做~
呢個小玩意, 係我地係台灣買番黎, 係一件件散件黎架架...可以自由配搭~
當時老公見到, 就覺得好得意...所以就買左呢幾件野返黎, 自己整好~~~
晚宴前, 換上我另一件婚紗...衫租了, 緊係想用多d時間增加暴光率..況且我覺得婚紗真係只會係結婚當日先有機會著上...寧願少d晚裝時間呢~
mua同我d頭 + 妝都轉得好快..
呢件wg, 我係特登租黎for banquet match in..不過講到尾, 我都係最最最鐘意我教堂既那件wg..雖然唔係d咩special既design, 不過我總是覺得可以係wg上搵到我性格上既原素~
係church走時係430, 到酒樓係4:40, 換好衫 + make up都係5:15!
襯未有d咩人到, 惡補一下..哈哈~
直到cake cutting之後, 換上我既銀色eg
其實當初都擔心我換太多衫會用上好多時間..好在既係, 我既mua真係十分快手, 每次換衫換頭 + 補妝..都係用左我10-15mins..
我諗呢個時間絕對係不只可以接受呢...仲係好aggressive呢..
所以即使換衫次數多多地..都冇阻到太多我同d guest既相處時間~
其實我地真係冇時停.....都好呀, 証明左我地都好enjoy我地wedding既一分一秒.......比起一切還重要~
