8個月的 bbb

 June 20, 2013
(終於都趕到update, 唔再係遲成個月先出到blog啦=) 比個小讚自己先)


BB真係大得好快…望住bbb, 覺得時間突然加快左好多,
原來bbb已經8個月了, 已經唔再係bb,
好快就會一歲, 好快會識行…
有一樣野冇變既, 就係媽媽我依家係咁肥,
又話餵人奶會瘦, 點解我係冇瘦過?!?

8個月, 冇咩特別節目, 只係同佢影左幾張蛋糕相, 哈哈~媽媽連蛋糕都冇買
pre-cake smash


bbb話: 媽媽, 我係咪好可愛呀?


呢個傻b, 知道影相, 叫佢笑, 佢係真係會笑比你影架, 咁貪靚咩?





bbb: 媽媽, 你影夠未呀? 唔想再影啦, 我要抱抱
 

食: 人奶+2餐奶粉 (一日5餐, 8安), 1餐粥仔+果蓉, 餅仔小食

體重: 9.54 kg, 即係21磅啦!!!!
估唔到佢又重左, 個次去診所到, 姑娘都估佢唔到咁重
可能佢係屬於扎實型, 唔太多byebye肉

身高: 大約70-73 cm, 我自己係屋企度
唔知有冇度錯, 我自己都覺得bbb終於都高左啦~~

7個幾月個時, 開始比粥仔…
結果係
早知就一早比啦, 原來bbb好鐘意食粥仔
連我都餵到佢食晒啦~!!可以去到邊食到邊 =)
仲有次餵完佢大喊要食多d, keekee!
而且可以代到一餐…….yeah!

bbb好有性格, 叫佢做既動作,
佢會話你知佢唔係唔識, 只係唔想做就唔做..

簡簡單單既byebye, give me five都識, 不過唔係下下會同你玩,
最叻既就係叫我抱抱, 呢一樣佢一定唔會慳

有一朝, 我發現佢識得同我玩peek-a-boo
佢用自己張被仔遮住自己塊面, 我配音, 佢就笑到kaka聲~
哈哈哈~~好好笑, 又一次覺得bbb你又大個左啦~

仲有一樣明顯變化就係, 拎起d玩具, 唔再係第一時間放入口,
有一d玩具佢知道會有聲既就會搖搖~
好似打緊拍子咁~唔知佢係咪唱緊歌呢?

爬

依然未識, 一反轉佢爬係到, 都見到佢腳郁郁
好似想爬咁, 不過係唔成功
唔知係咪自己太重, 唔夠力
不過唔緊要啦, 慢慢黎

企

見到好多差唔多大既bb都已經自己企
bbb都成日想企
不過係要我地抱佢起身企

頭髮

見到明顯多左好多啦, 唔再係地中海

希望快d生多d, 可以夾夾仔 

 

 

7個月的 bbb

 
 

Date back: May 20, 2012

我係一個精明既媽媽(自己認為)
唔確定既野唔買
唔知bbb鐘唔鐘意既唔買
所以麻, bbb原來冇咩玩具, 開始大個, 要玩多d…
所以都開始物色玩具

踏入7個月, 媽媽帶左bbb去玩恩言既玩具, 仲有頌頌bb, 目標係rody~!
好早已經想買, 但貴又唔算好貴, 不過都唔平架
如果bbb唔玩, 咁咪好浪費…所以先去試玩先, 再決定

哈哈~bbb一坐上去就好鐘意了, 媽媽可以不買嗎?

時間過得真係好快..話咁快就7個月, 即係話我都堅持左7個月既人奶~
我係bbb6個月個時已經冇泵奶…冇計, 真係冇時間, 加上壓力好大~
反而冇泵之後, 真真正正個人輕鬆左好多好多~
感覺自己重新左一樣~
只不過我都仲未收奶, 我依家會早晚埋身餵bbb,
我通常都係訓係到餵奶, 而bbb知道係食奶, 佢都好自覺地轉身過黎我到~

呢種感覺真係好sweet, 望住bbb大, 就開始好唔捨得佢大得咁快,
好多野未至於懂事, 但感覺到佢係知道發生緊咩事~

食: 人奶+3餐奶粉 (一日5-6餐, 7安), 再加米糊+菜蓉果蓉小食

體重: 9.32 kg, 又重左, 依家真係大大隻, 不過好似只是向橫發展, 冇咩高到咁?!?

食係依然冇咩進展, 都係媽媽懶…
好多時都只是分咐工人姐姐整…
而工人姐姐好有經驗, 有時都會教番我^^
我呢個做媽媽真係冇用

bbb既schedule, 都係姐姐幫佢定既…
working mum真係冇辦法, 有時都要睇開d, 亦都好安慰姐姐都湊得唔錯~!

好神奇既是, bbb 踏入7個月前的一個星期

戒左夜奶

佢第一晚自己戒左既時候, 我成晚都訓得唔好,
醒左好多次睇bbb, 因為覺得冇理由咁好訓..
自己都有驚架…
去睇下bbb係唔係仲有心跳同呼吸

就係自呢一晚後, bbb就冇再半夜起身喊奶了!!!
真係好神奇..本身我同mr. b都諗緊應該點做去幫bbb介夜奶, 到最後原來bb真係會自然地介架~
bbb半夜都會醒一醒, 比番個奶咀佢, 就會自己訓番~!amazing!
媽媽終於都可以有番覺好訓架啦~

抱抱

開始舉起手要抱抱, 好得意架, 舉到雙手好高, 不過媽媽成日都唔會即抱 =p

而且覺得bbb好慢熱, 出左街就成日要痴住我,
加上學識左舉手, 成日舉手…
哈哈哈~媽媽要帶bbb多d出去玩先得啦~

爬

有d朋友既bb已經開始爬了, 不過bbb麻
唔知係唔係個肚頂住, 一爬佢係地已經大叫…
比佢激死
已經好耐冇見佢轉過身啦
bbb會唔會唔記得左點轉架呢?

頭髮

已經生番好多出黎, 不過依然好少..
好期待可以同bbb夾髮夾呀~!!!

6個月的 bbb

 

Date back: Apr 20, 2012

 

平時我呢個媽媽真係冇咩心, 唔可以個個月同bbb慶祝!
所以真係好羨慕波哥, 有ball媽媽個個月都同佢慶祝, 好幸福!

 

6個月呢次我終於都可以安排到d野, 亦咁啱預正係星期六, 一於去玩下 =)

 

就係去alvin到影左一輯相, 都係睇到恩言媽既介紹, 就唔理去影啦,
因為佢真係影得好靚下架, 遲d再share!

出緊去個時影既, 眼訓樣

絕密性感相一張
終於有一節節啦

食: 人奶+3餐奶粉 (一日5-6餐, 7安), 再加米糊+菜蓉果蓉小食

體重: 8.34 kg (生長線直升到97!!!)

6個月的bbb已經比之前大隻左好多, 依家變做左大隻bbb
對於食,其實都冇擔心過佢
因為好多時, 我想試拖長bbb食奶既時間, 專登遲d先比佢食
點知係唔work既, 因為佢夠鐘就會開始叫, 再慢dd佢會大喊發脾氣~!!!

講起佢食呢方面, 其實佢都食得幾多,
仲係可以中間加入米糊都代唔到餐, 夠鐘就喊奶?!?

而且仲未戒夜奶?!?!

依家半夜係要起身食多次奶, 即使我12點會整醒佢餵多次奶
3點半4點就一定會又喊奶…..
我都明白我唔夠狠心

 

仲有一樣野就係…佢唔比我餵食米糊,
我餵佢, 只食到少少就會唔食,
如果再放近佢個口就bu, 然後mi實個咀, 都唔知佢幾時學識咁
都真係好傷心…..但係我唔會放棄架!

牙仔

仲未見有, 不過我都唔急既…慢慢長路…

坐

已經坐得好穩!唔會自己飄左飄右

頭髮

唔記得幾時開始係短短幾日全部頭髮自己'luck'晒?
只係得番個哪吒頭, omg!!似足個男仔咁
出街d三姑一開口就講, 你個bb仔好得意喎
明明著晒裙都話bb仔, 都唔知咩道理

有相為証, 真係冇咩頭髮架...鳴鳴鳴

 

 

5個月的 bbb

Date back: Mar 20, 2012

 

食: 人奶+2餐奶粉 (一日6-7餐, 6安), 米糊小食

 

體重: around 7kg

 

在4個半月時, 有一天我重感冒, 所以不能埋身餵bbb, 只好食奶粉了…還記得當晚放工, 頭暈暈咁去買奶粉, 正正就時搶奶粉熱潮之時…我沒有心水, 只是見到那一款有貨就先買一小罐頂住先…第一次買到的就是美素佳兒…第一次給bbb吃奶粉, 結果是, 跟平時一樣, 快速吃清光~

 

之後我才慢慢地再搜尋那一款奶粉會比較好..最後, 我選了荷蘭holle, 是organic, 沒有添加任何味道, 最接近母乳的, 而且價錢不是特別貴, 購買都很方便, 在家附近有一間樓上鋪可以買到

 

轉奶粉 – bbb算是對食沒有太多要求的bb, 有得食便可以, 所以轉奶粉, 話轉就轉了~

bbb都是一個為食bb, 所以差不多到5個月時, 開始比米糊做小食~

 

另外, 4個半月時, bbb已經懂得轉身, 有次試過半夜跟她換片, 一放她到我床上, 她自己就好快地轉了身

 

夜奶依然…未有想迫她介夜奶, 希望她可以追回一些磅數

 

其實bbb係4個月後都好明顯有好大既進步, 食玩訓都好定時, 晚上8時多, 開始會見到她的眼訓樣…bb都是早訓的乖, 至少媽媽可以有多一點點的私人時間吧~  

bbb的第一轉
 

自從識轉後, 成日都轉~ =)




開始表情多多, 多了笑
 

 

 
已經開始坐, 不過坐得不定, 同埋都只會坐一陣

4個月的 bbb

Date back: Feb 20, 2012

見到人人都有幫自己的bb月月總結, 我呢個媽媽實在太懶了..

第二, 三個月既我慢慢先補回

食: 全人奶, 一日食6-7餐, 5-6安

體重: 6.29kg

夜奶: 未介...半夜至少會醒一次喊奶

體重對於人奶媽媽是很重要的, 次次去健康院都好大壓力呢..重得不夠, 一定會比人話..
而且婆婆成日都會話bbb唔夠肥嘟嘟…….
確實, 我自己都覺得是…不過我可以點呢?>.<

所以bbb在4個月時有差不多14磅, 我開心左好耐呢~~~~終於都唔係排迴係10-25的成長線, 可以去到50~
唔係講笑, 初生的bbb真係又瘦又黑, 又鐘意喊, 媽媽真的好擔心呢…

晚晚訓前都會哭, 快則哭幾分鐘訓著, 慢則可以哭夠15分鐘先訓到….所以麻, 唔好講什麼什麼如何訓練bb獨立等等…
即使抱著都喊, 做媽媽的我點忍心放低bbb自己係床仔呢~唉…

婆婆每天都會到我家陪bbb玩, bbb真的好幸福, 亦都因為婆婆天天都到, 我多了一份放心~
當然啦, 婆婆都會寵bbb,
不過亦會教bbb, 好似自己揸奶樽…奶樽就太大支, 不能成功揸住, 但手隻都有意識的,
至於水樽, 10次有7次bbb都肯自己揸架~

至於我, working 人奶媽媽路不易行, 日日都要偷偷地lunch時出去泵奶,
5點又要偷偷地搵地方又泵, 真係冇晒自己私人時間..
最怕就係有人約食lunch......
放工都係急急腳返屋企, 因為我泵出黎既奶只可以留到聽日我返工時餵..
所以每日放心都趕返屋企埋身餵..
因為餐餐清既關係, 自己比左好大壓力自己....

bbb 與貓貓

一講起寵物與bb, 大多人都會認為他們不能共存

當然, 如果我本身家中沒有貓貓, 我也不會”特登”去養一隻, 但我本身已有貓貓, 我絕對不會因為這樣就拋棄牠們

沒有養寵物的, 大多都不會明白做主人的感受, 而我跟mr. b 已經當了貓貓是我們家的一份子~是陸家的其中成員

回想起, 其實都不是你想怎樣就怎樣, 有了bbb的時候, 奶奶已經開口要我們不要再養, 聽到又不可以駁咀, 只可以心中說”貓貓不是玩具, 不是你說拋掉就可放進垃圾筒的” 真的很嬲, 還好的是, mr. b跟我的想法一致, 由他向他媽媽說不最適合不過~

然而係眾人眼中的敏感, 衛生方面我們都有比較小心, 希望不會成為了要拋棄貓貓的理據

衛生可以控制, 然而敏感不是我控制範圍內的事, 不過我深信, 一開始就接觸, 敏感的機會都會減少的!

bbb第一二個月時, 都唔會比貓貓接觸的, 當然家中貓貓都會好奇, 這個常大喊的小伙子是什麼東東~不過我們都會防止貓貓走近, 再加上一枱空氣清新機..希望可盡量隔絕貓毛…..

bbb3個月時, 在我們監督下, 會讓貓貓接觸bbb, 初初牠們會走近, 然後大多都只是聞聞bbb的腳仔, 之後就會聞手仔, 再之後待bbb睡著了會聞她的頭仔~(哈哈哈~~牠們可能心想就是這個we we wa wa的嘩鬼跟我們爭寵)

到現在, bbb是很喜歡貓貓的, 隔遠見到貓貓就會興奮的大笑, 會尖叫..最近還會用bb語言叫牠們的~即使去到婆婆家見到不同的貓貓都會興奮~

依家仲會主動要申手摸貓貓, 摸會仲會自己好興奮架~表情好好笑

慶幸bbb還未對貓貓出現敏感, 亦未有任何損傷~不過即使有損傷, 我相信對bbb都是一種教育~

bbb - 100日的波點派對

date back: jan 26 2013
bbb's 100th day party
theme: polka dots :)

還在放產假時, 已經構思bbb的100thday party

在decoration, invitation, 食物, 小禮物都有盡過一點力, 當然是有好多朋友係背後出力啦..

好開心, 各人都有盡力在身上加有波點點出席..

唔講咁多, 睇相好了!

邀請卡
 


波波deco, 我仲print左bbb 由day 1 - day 100既相, 當然中間有唔齊, 不過已經是一個好好的回憶



 

 


 

小小禮物 (1)

 

 

小小禮物 (2)
bbb好幸福, 有契媽親手為她做既icing cookies, 好睇又好味~~~~

 

真係靚到嘩嘩聲~以後每年的生日會就靠你啦..heehee =)



呢個bb可能知道自己係主角, 比我地捉住影相影左成個幾鐘都冇發脾氣~

全身波點的主角
 

不過就.....恰眼訓!!!!唔通媽咪咁攬住都好舒服....

 

哈哈哈~就係咁, 訓左~
 


蛋糕都未切, 主角訓左......?!? 好狠心地叫醒佢, 切埋蛋糕先啦.......

 
  不過都係敵不過周公...(平時係屋企又唔見佢咁易訓....玩野...)
 
 
  


所以最後, 蛋糕還是由爸爸媽媽切吧~
  

 




沒有契媽s, party不會這樣完美, 是我幸福, 還是bbb有福? 管不了, 因為你們一輩子也要為我這個負責烏龍的好朋友操心的~走不了的啊~呵呵呵
  

最後送上, bbb最精靈的相一張