一個productive 的weekend

今個weekend, 好似做左好多野咁啦..heehee, 做到咁多野成個人都開心晒呀!

deocoration個到, 已經比左deposit, 就交比jnc啦........11月佢地會send draft比我地再揀...
其實我大豹已經將我個idea比左佢地....到時只要再有d顏色配搭就得lu~

我星期六, 竟然開始左整table no card..哈哈!其實一直都有idea點整, 之前都剪好晒紙架啦..
見會開始用個個囍印...所以就整埋先啦.....
已經整好晒25個底架啦....面就真係遲d先整....

仲有..就係開始左印囍落牛油紙...因為個印都幾大, 所以呢...都比較整得慢呢....
不過都好..我估...一個月既時間應該冇問題!!

印帖 - 報左兩間, 都係咁貴.......同mr b 講, 佢竟然認左頭, 話佢print....
即係我地既帖 + map + church booklet...都會係我地自己print!!
其實都唔好話唔擔心...因為咁..print完仲要加工...咁即係加左我既workload..
不過咁...佢都係話去print, 我都覺得冇理由我唔配合架麻...
所以就係咁...又做左呢個重大既決定了....
依家就係整template, 試print, 買紙..就開工啦!!!

教堂歌 - 今個星期日, 我婚禮既指揮交左個draft比我啦...咁我就易諗好多啦..
只要加番我想要既歌, 就得了..
同媽咪 + 妹 傾好晒...
教堂歌confirm!!yeah!!我唔會再煩搵咩歌啦...
其實, 只要能帶動guest既心, 無論係common定係唔common既歌都冇所謂啦..
最緊要係新娘同新朗接受到主的祝福麻~

顏色筆 - 之前係paper art到, 個姐姐試左比我睇, 我個囍印, 上埋色靚好多...
一心都想買個d筆架啦. 點知paper art個到, 我想要既色都冇晒=.=
琴日我自己係去做運動前, 上左去中南到睇...
yeah!!搵到了~~即係...一印好, 就可以開工啦...哈哈哈哈!

我的eg - 上左carmen到傾埋要造既衫了...
估唔到既係...我席前依家揀左要銀色.......
即係話我本身諗住銀色既姊妹裙要轉了..好在, 我係未訂呢~
仲有...已經揀左席前婚紗...一試就ok左....人人都話著得瘦..你知啦, 呢個形容詞好敏感架麻
一聽到, 即hold!哈哈~攪掂!
依家即係我bd既衫, 已經初步攪好晒...
係等我個兩件eg造好就去fitting埋...
唔好話唔緊張.....

琴日, 覺得自己有d敗家既感覺, 因為係carmen個張單, 唔經唔覺攪到咁大...
well...我仲以為仲係好平啦.......
晚飯時, 媽咪同mr b都睇得出, 我為左呢件事唔出聲...佢地都安慰我..一生人一次既, 著得你靚就唔好諗啦~
mr b都話, 即使我唔件件都係造租..其實都係差dd錢..咁何不比多個dd而造一件全新而合我心水既衫呢~

媽咪衫 - 琴日媽咪係carmen到一試, 即ok!哈哈
因為我媽咪都算係肥媽黎架...佢自己都好擔心冇衫佢著到..最大問題係佢又要d型d個d麻...
carmen太知我媽咪既心意了, 一揀出黎, 一試上身, 3分鐘, 我媽咪已經話ok, 唔駛試第二件!

婚紗相album - 琴日ip打黎, 話已經email左個排版比我睇啦...heehee^^ 都ok滿意...
不過有d野都仲要改改先得, 同埋, 我有2本album架麻..依家仲等埋另外個本..
快d攪埋呢樣, 咁我就可以開始排我下一本啦...yeah!

 

仲有4個月的心情!

近呢個星期...情緒變化得好大...

冇啦啦唔開心, 又冇啦啦可以因為小小野開心番...

冇啦啦可以好冇mood....又冇啦啦可以心情勁靚....

 

為了mua之事既煩惱..已經唔再諗啦....既然係決定左, 我又何必係到反覆再諗...

唔知係唔係因為婚期快到, 所以咩都唔想再諗呢....

 

病了的幾天...日日返屋企都係訓...咩diy都冇整過

mr b竟然有一日同我講...我都想你間唔中有呢d小病..可以訓多d, 唔好成日以為自己係個鐵人咁日整夜整....聽到佢咁講, 我都唔知好嬲定好笑......佢成日都覺得我冇時停...都係既...我既time schedule真係排到好full架...heehee^^

 

好番既星期三...返到屋企.....緊係又開工了....訓左咁多日, 冇diy, 個人好似有d唔安樂呀...又同媽咪一齊開turbo了....個晚我地好快手, 個幾鐘, 已經印左100張利士封既面呢........我地都好滿足...睇黎呢一part, 開多幾晚工, 就可以完成到....依家我自己一有時間就痴痴痴~

 

開始左搵人報價印帖既內文, 第一個開天殺價.........普通印刷既church booklet 內頁, 竟收我$26一本......我不是羊"古"呀!!!!係用珍珠紙姐..都唔駛咁既價麻.......我自己個封面用珍珠咭紙都唔駛咁貴啦........well....係呢個時候, 竟然有人比意見我, 叫我自己印...其實我覺得唔係唔得....只係..印咁多......真係唔係咁易呢.........我將呢個羊古事件同mr b講...佢竟然話佢幫手印呀.......yeah!咁家暫定, 搵唔到一間合理價錢既, 就一於自己print啦....!! 咁睇黎...map card 都會自己 print埋....

 

backdrop - 已經報左價返黎了....同我budget既係一樣價.....不過.....我想要立體d呢....依家我想整個立體字...佢只係可以做到1cm厚比我........well.........攪到我又唔知點好...做好唔做好?

 

酒席 - 自從我地08年中deposit左之後....我地都已經冇理會過呢個item~哈哈~今日我終於都打左去, 問左一d decoration details....原來佢地包既基本野都ok架..只係backdrop我想整過啦.......問埋幾時可以去拎帖....同時間, 呀經理都提我地係未confirm menu呢....其實我地心目中已經confirm左邊個set架啦..只係未決定要08年個個package, 定09年...定係10年個個......well.....仲要比埋未來奶奶睇睇有冇野要改改啦...始終我地都想d guest食好d既............呢個係我地揀呢間既其中原因呢~

 

媽咪 & 奶奶衫 - 佢地自己分別都自己搵緊要租既衫啦.....呢樣野, 都唔駛我點煩既..因為佢地都好好咁自己去揀.....完全冇煩過我...真好..........我自己揀個d衫咁plain, 唔知佢地個d會唔會勁過我個d呢~?哈哈!

 

教堂 ceremony - 上星期返church, 想約神父做查詢..不過神父話一定要有齊d文件先可以呀....所以一定要拎左教堂紙先可以做到呢......至於我婚禮既歌詠...唔駛我擔心..佢地已經有個好既schedule練歌呢...雖然係成1月先開始練...well...都arm既....早練都唔等於一定好既.....我其實都估唔到, 佢地會將呢個item放左係佢地個主日學schedule到...真係要感恩呢~至於我預備個份教堂booklet, 依家有d擔心唔夠....實在估計唔到會有幾多人黎觀禮呢...咁我整定幾多本好呢? 不過都唔緊要既...依家都決定左自己print....到時係唔夠既..先再整啦.....況且我仲有紙係到....!

 

婚假 - 已經入左紙, 我老闆approve左架啦......哈哈!!其實係有d早就入呢個假, 我初初都冇諗過咁早就請架....不過我收到可靠線報...公司將會cut 婚假既日子呀.....嘩...咁所以就拿拿林入啦...老闆簽左, 依家等hr個邊, 咁就ok架啦......我公司婚假比其他既多..做夠一年已經有6日, 做夠3年有12日架......所以呢......早d就早d啦...況且我地一早已經plan晒d日子.....又煩少一樣呢~

仲有4個月....好想快d攪掂d決定...唔好煩呢.............其實so far, 樣樣item都唔算好煩....樣樣都算好順利...真係感謝主, 樣樣眷顧著我們~

原來結婚真係好多野攪, 仲要我比左咁多野自己攪...不過我想講, 我係好enjoy所有呢d苦既過程呢~

病了的weekend

星期六先黎病..真玩野

plan好晒星期六的 diy...咩都冇做過啦...

因為返到屋企就訓左..........訓訓訓訓訓訓訓訓訓訓到第二朝10點幾...

頂唔住...所以最後都睇醫生了..

公司醫生..次次都排長龍....~.~

好在星期六那晚訓得夠...星期日仲支持到去試妝!

因為關係都算特殊....所以朋友借出了屋以作試妝之用....同埋順便攪埋大食會...嘻嘻哈哈~

今次呢一位係freelance的mua

收費一般...可是好有熱誠!

最緊要係男友見到佢set 頭, 竟然好impressed!

(1)妝總算精神...唔太花巧, 因我唔係靚女, 唔會諗住mua化到自己變大美人呢, 自自然然已經ok....哈哈~希望到時會再好d啦....下次final touch up個時會用"very black 既眼線...今次始終唔夠黑咁呢.....(病真係呢....連妝都唔係好上咁.......)
 

(2)褂頭....個個朋友見到都話好好呀......我會婚前染返d頭髮架啦...始終一個tone咁, 呢d頭先會靚呢~~~

(3)我帶左自己個birdcage veil 叫佢試下比我睇啦...所以就整多左個婚宴march in 頭啦..

(4)me & my birdcage veil...heehee^^

(5)晚裝頭.........哈哈~~係我特別request, 前面要咁架.....型d麻..........(試到呢個頭個時...我已經開始頂唔住....病發發地....見我個樣咁呆就知啦.....)

我已經冇咁多力氣去再揀再試了...加上在場朋友的好評~

就佢啦.....相信佢都唔會由我好醜吧!

搵mua...真係好痛苦........試妝又要錢, 試得多, 其實心都會多......搵一個唔會將自己變成另外一人已經好好了...

 

 

同場加影....玩b相...其實今次大食會半個目的係為左玩人地個b啦......

人地既b永遠都係最好玩的...哈哈哈哈哈哈

welcome boxxxxxx

有一日...

我冇啦啦, 諗到個welcome board 改為box 形....咁好似有多d立體感啦....

所以好早之前已經叫妹幫我買左厚咭紙同埋絲絨紙..

一心都諗住個色係黃黃啡啡既...點知....個時買唔到啡色既絲絨紙.....

只有退而求其次....要左棗紅色啦....

唉...其實都真係有d後悔要呢隻色...唔係話唔靚...只係..冇啦啦有隻呢個色...唔知想點啦.......

最慘就係, 我話錯左比妹妹知我要幾多....其實心中想要3尺....點知同佢講左要3碼.....

買左咁多...我又點可以唔用呢.............

即使到依家我自己都好似仲係到說服緊自己棗紅囍慶d, 又會match番我自己張帖既色....

個box 已經整好左, 仲已經貼埋個絲絨紙...

依家就係貼緊石....................所以仲未完成....

比大家睇住個面先啦....個盒未影...哈哈

 

我用左ss16 貼個"旻"啦..我想話...ss34真係閃好多...我自己一路貼都覺得真係好shiny.要帶番副先得...哈哈哈哈哈哈哈哈哈哈哈~

 

其實我同一時間成日都整緊唔同既野...所以so far都未有一樣item叫做totally 完成既...

或者我既人生就係 "攪東攪西, 一事無成" ~!!

 

我們的利士封

話說好耐之前既肥雀利士封之後...都好似都冇提過我重新整過係點啦...

其實一直都剪好晒d紙架....不過後面個張要用番cuttlebug 整個 "with love"...之後前面個到要印番個印印....

成日都冇時間印印啦..

琴晚....又同媽咪一齊出手啦...

熱愛熱風機的媽媽...當然係負責用熱風機啦..

而我, 就係印印印, 同埋整embossing powder.......

成個過程都好開心....我地唔係做得好快....成晚都係吸左60張...不過唔緊要呀,
因為媽媽話: 5-6晚都可以吸晒架啦......

呢個係後頁...加左 "with love"

 

前頁...有心心花囍印 + 旻

前頁留好晒"子口"....(哈哈....唔記得左個字點寫....), 預留好可以貼住後頁~

 

貼好左之後....係後面會見到個入錢位....哈哈~經我試驗..係絕對夠位入到張$20, 更何況$10紙呢~~~heehee~不過其實唔係咁滿意後面呢個位啦...好似整到冇咁靚咁...不過算啦...

 

就係咁啦......我們的利士封的final version.....i love it!

會加入去帖到做回禮利士封...希望收到既人都會用dd時間睇下呢隻野, 我已經心滿意足啦~

又一個week...

又過多左一個星期...

今個星期冇咩做過d diy野呀..因為我成個week都係係到prepare伴娘份生日禮物啦...唔係d咩貴重野...不過足足花左我一個week既時間去整...

唉..不過呢......整出黎個效果同我想像中仲有一大段距離呢.......anyway......希望佢鐘意啦.....下次整份好d既~~~~~~

星期六晚....返到屋企就係咁切切切切...生果啦^^整左個生果salad + 可愛蒟蒻....

之後已經好晏......油油指甲油...咁就要訓啦...........

星期日, 一個開心嘻哈gathering....其實我個人係好悶架....比你地知道晒tim...heehee^^
都預左我地唔會好勤力整野架啦, 玩多同食多啦....哈哈~~最勤力係你啦 fion.....你真係幾快手架喎, 我都要學下先得!!

一班人share下, 原來真係咁開心架....不如...下個月又攪多次囉?

 

好...講完玩...講番我自己既運動schedule先

	星期一	星期二	星期三	星期四	星期五	星期六	星期日
運動	1 hr hot yoga	1 hr hot yoga		1 hr hot yoga

唔算好勤力啦...不過總算keep到3日yoga + mon-thur 既dinner係代餐 (星期五伴娘birthday dinner, 所以正常, 星期六既lunch代餐補左數 ^^)

decoration + invitation card draft

自己一直都有個idea要一個怎樣既backdrop.....

至於其他既decoration, 其實酒樓本身個d簡單既枱花 + 心心波我已經ok架...

所以自己都唔急於咁快confirm..成日都諗住expo個時先去搵同比錢啦...

上次miss左8月既expo, 仲諗住好快又有..點知一去已經到11月啦...

見到咁....琴日即打去我心儀既decoration公司問期啦..

初初都冇架...後來佢知我只想做backdrop, 都話應該冇問題...

之後仲係電話到傾埋我心中既design....佢都初步報左個價比我....都算係within我個budget呀.....所以就等佢下星期比個details報價我, ok就去比錢啦......

好野....咁又好似攪掂左呢個item一半咁.....咁多野pending未做.....做左一樣, 又可以係自己個list到加個tick..真開心.....heehee

 

church invitation 個到, 自己琴日都做左個sample了.....已經比mr b approved, 加埋媽咪同妹妹都話好.....下一步就係度好個size比我愛既darling幫我design個map card.......

依家仲係到諗緊用咩紙好.......呢幾日要去睇下襯下先得啦...仲有就係搵個平靚正既地方印..........呢樣先係最煩呢............因為我實在太多野要印了...所以真係要慳得一蚊得一蚊啦......

 

夜晚我仲draft左個帖既內文....仲家仲搵緊個簡易既invitation內文...我見到既sample都太多野咁啦...我想要一個少d字....simple & clean d既...........

我諗住印左帖 + invitation + map先...遲d先再印church個個程序....因為我怕等到太遲先整.......我仲要加工呢......

 

依家最緊要就係搵左d hair-do 同埋eg reference先...因為920試妝 + 927去傾造eg..........

好...又攪左幾樣咁...!!yeah!

我要快....

仲有4個多月就bd了...

我都有幾多野未做架.....係依家呢個時候, 應該比心機架...

不過, 唔知做咩, 最近既weekend都好忙..................

由8月忙到依家....個個weekend都有節目呢....

先唔講d diy....就連我d eg都搵好款...

我真係要快d手先得啦....

to do list in sep

1. 再一次試妝, 已book 920, 希望呢次ok, 咁就唔駛煩

2. 要諗定我另外2件eg既款去造...目標係927個日上去度身, 同埋揀埋我march in個件wg

3. 今個week應該會整得晒我d thank you card啦..之前因為唔夠絲帶, 所以停左工啦...

4. 利士封已經做好左一半架啦.....下個week開始要印印印, 之後再痴痴痴

5. church invitation既面, 其實都已經開始整緊架啦..........已經碌晒cuttlebug..依家係印緊名, 呢個process用好多時間..因為個個embossing 毛毛都幾麻煩....整完呢個, 仲有個日子要印上去呢~

嗚嗚嗚....仲有好多野未攪咁tim..都唔敢加入9月個list到...

緊張緊張緊張~~

我不要做豬新娘

仲有4個多月就bd了, 再加上, 上次嘉見到我, 問我做咩肥左......好明顯就係影完pre-wedding個時又放肆啦...所以減肥既行動都要再開始..

其實2次影婚照前都有plan做多d運動 + 食少d, 希望 fit d咁影相.......記住係plan.....到差唔多夠時間個陣, 一定又會同自己講, 唔緊要啦, 相有得執架麻..哈哈哈, 講到尾都即係懶~

不過bd個日, 就真係唔同了.........人地會見到真人架麻..係肥既, 就真係肥架啦喎........

所以...上個星期, 我再一次的起心肝去keep..........希望keep到幾多得幾多啦.....
加上.....同某姊妹傾談中, 我同佢講, 我想懶....佢咩都冇講, 只話, 如果你想做豬新娘既, 你就唔好做啦...........嗚嗚嗚嗚~~豬新娘, 我唔制呀! 比佢咁講一講....即乖乖地做到幾多得幾多啦....

我plan住一星期3-4日都上hot yoga, 星期一至五既晚餐都會食代餐, 星期六同日就放假啦同男友一齊, 冇理由佢食野我唔食架麻.....不過, 盡量食少d啦..哈哈哈!

上個星期我既運動表

	星期一	星期二	星期三	星期四	星期五	星期六	星期日
運動		1 hr hot yoga		1 hr hot yoga			1 hr hot yoga + 50mins cycling

都真係有上到3堂既hot yoga....琴日仲上多一堂50min既fat burn cycling....哈哈~一見到佢堂cycling係fat burn...即上!!!

都真係好攰...唔好講笑, 上完個50mins cycling, 一落車個下呢.......嘩....腳軟=.=

不過我要瘦就係咁架啦, 邊個叫我肥呀........冇得揀....只有做....

 

今個星期日冇得上yoga架啦..所以我諗住1,2同4都上一堂hot yoga......如果可以既, 希望可以有一日返工前游一次水........

目標: 我不要做豬新娘!

身痕.....

有錢就會身痕, 可以apply係所有人身上...

 

話說...前日返到屋企.............收信...

見到稅局信..講真...真係唔想拆開........

所以都真係冇拆.....放左2日, 終於都忍唔住開下佢..............

 

呵呵

今次, 我係第一次..................終於都感受到收到退稅既感覺了....哈哈哈

起初, 睇到稅單上既amount....都心沉一沉........點知...再睇埋, 見到下面attach 左張票..原來個個amount係退番比我架.....

第一個反應係: 好野, 可以買野比自己啦~~yeah!!

第二個反應係: e, 我有冇睇錯, or睇漏左個小數點

第三個反應係: 原來我上年搵少左咁多.....係有加埋供樓既factor.......不過都唔會係咁大影響架麻.....不過轉工個3個月, 又真係冇咩收入, 而且搵到新工後出到既bonus都比之前少

第四個反應係: 唔理咁多, 好開心.......諗下買咩比自己先....

 

就係因為咁........身痕了...

係開始左供樓呢樣野之後.............好耐都冇試過買d咩比自己啦.......

今次target 銀包(想轉好耐了.........), 袋 x 1 (哈哈哈!! 唔會買太貴架啦....今時唔同往日...冇咁多零用錢啦~)

今朝返工, 冇啦啦醒起, 我之前一直都好想係anya到整個be a bag....哈哈!喜歡anya已經係好耐既事啦, 當佢第係hk第一間shop開個時, 因為日日放工都經過而睇到上左癮.............有一次, 終於都忍唔住手, 買左我第一個既photo bag...! 佢既質地好好, 都算好"come"用架...heeheee~~~~

仲有.......依家英鎊平左.....買咪好似好抵囉~~

上次買個個係rio size, 今次要買個最大既, weekend - 42 x 30 x 15cm....

 

唔知佢可唔可以訂左, 寄去hk shop pick up, 咁咪可以慳返shipping囉...........

諗下都開心..不過有可能諗諗下, 又冇左件事!