bbb. 14w2d

自從知道13-14 week 性別有變的case, 我立即禁止mr b周圍同人講bbb~
(我呢個媽媽真係好麻煩架…係我認….>. <)

 

其實6日前先照左oscar, 理應將私家產檢的時間推後d既..

不過因為好想知道bbb有冇係14週時轉左性別, 所以我咩都唔理, 照睇左先 XD

 

好緊張, 其實bbb係自己小朋友, 咩性別都唔會介意既, 但係麻….我同mr. b都有偏好..

 

其實都冇咩好照, 照oscar時係醫院姑娘已經同我睇晒, 所以都冇咩擔心….

(加上我個醫生麻….佢..比較有性格, 講野都好簡潔…所以次次見佢, 佢都係得個幾句, ‘ok, 冇問題呀’,
當然啦, 其實呢d答案係每個媽媽都希望聽到, 但係講多dd, 會令人安心d麻…..>.<)

呢張影得好清楚bbb的正面, 次次佢都好乖, 知道會睇佢, 佢都會比個面黎睇下~~

性別冇變, 一切正常, 走人~~

 

14w 既我開始有一日突然唔再嘔, 食量依然冇胃口, 不過唔駛嘔已經叫食多左

反叛性格強左, 就係咩都唔理, 一定要食…

可能因為之前食咩嘔咩, 咁緊係要食自己好想食既野先可以平衡心理

[哈哈哈~其實一切都只係藉口]

 

 

唔嘔, 個人都變得精神左d..唔駛好似之前咁烏烏下…

大肚腩. 拉麵

本人黎講對食唔算有特別要求, 因為我愛slim, [最慘係食dd都肥…]

最好有d野好好食又唔會肥既我就會有好大興趣

 

有了bbb之後, 都唔特別有任何喜好..

只記得有一期好想打冷

有一期好想食sushi…即使只食蛋sushi也夠我開心一整晚

有一期就特愛拉麵

 

一風堂

呢間係拉麵喜好時期第一間去食的

整體黎講, 可以吧, 可是沒有甚麼特別, 過了亦都忘記了那味道

 

魂

入面只有不過二十位的小鋪, 外面常有條大長龍

有一個星期一的晚上的起心肝, 加入人群排隊

當所有食肆在星期一晚上清清靜靜時, 我卻在這店外排了55mins

食完之後, 覺得物有所值, 需要排隊是有原因的

豚王

成為了我的最愛拉麵

排隊在所難免, 連mr. b 都話值得一排可見好味程度

中環跟銅鑼灣店分別都有試過…

總覺得中環的食物跟服務都更勝一籌!

唯一不足就是, 中環店的半大排檔設計….

大熱天下食到一身汗

Mr b 話:  [好食就好食了, 不過就要等冬天]

 

分別試過了豚王跟黑王

豚王豬骨湯香濃, 黑王味道比較濃郁…我覺得太濃…還是比較喜歡豚王的香甜豬骨湯 =)

麵條比一般拉麵幼, 軟硬又適中, 叉燒很薄很嫩, 好味!!

仲有我最想試的赤王!!!一向好辣的我當然眼睛沒有放過 {赤王}

不過為左bbb 的皮膚, 我只好忍到就忍下…….

 

後話: mr b 話一定要order 加麵, 加麵只是$10, 第一次我地唔知, 麵到時, mr b問點解都係咁少都(佢係大食之人)
所以我地面慒慒地問店員加麵是否已在入面..

結果是, 加麵的話, 店員會等你差不多食完第一碗先會叫師傅煮起第二個麵給客人的….
而且仲會為你再添加豬骨湯呢…$10有麵有湯有服務, 抵呀!!!

bbb . Oscar Test

4月23日-13 wk 4d

烏龍媽媽又出動啦….

就係睇錯時間啦~以為係一早11:15照oscar, 點知預備出門口個一下先發現..

e, 原來係下午~

都算啦, 未出門口麻…

 

因為睇錯左時間, 所以mr b就陪唔到我去啦…

最後由bbb第一個契媽陪我去test啦~

[ 冇錯, bbb 未出世, 已經有好多契媽, 個個都好期待 =) ]

等左只係15mins 就到我了

過程好輕鬆, 姑娘好好人呀..

佢同我照晒bbb, 腦, 手, 腳, 心臟, 手指, 腳指都數齊晒~
--> 係, 手指腳指都已經可以數到晒啦^^

姑娘話我個肚唔多fat, 所以睇得特別清楚~

哈哈~緊係啦, 日嘔夜嘔想儲多d肥go都唔得啦!

之後就度頸皮..

ok --> 所有野都正常呀, 頸皮厚度正常

 

 

過關~!!!

姑娘好好, 仲搵個bbb 靚pose叫契媽影相呀~~ =)

bbb幾鬼馬...樹起手指 

呢張係到玩手指~

一早都知政府醫院係唔會講比你知bb性別

不過契媽都即管一問

姑娘都好好人..

用心睇左一陣就講左70%係……….

哈哈哈~開心左我成晚!!!!

 

後話: 第二日睇到有個blog友, 照oscar時又係話70% 係囡, 點知過左一星期係私家到就睇到係囝,

下..原來會咁架, 咁即係唔可以開心得咁早……………

bbb . daily

 

自從有左bbb之後…除左初時係咁嘔之外..

我發現我個樣真係衰左好多..

唔係講笑, 有d朋友見到我都問, 點解我個樣好似唔同左..

影相時又發現係有d唔同左

 

我反問得最多既就係 “我係唔係肥得太緊要, 肥到個樣都唔同左”

哈哈~

講真, 初期bbb比我的[享受] 太正了, 我真係咩都唔理得咁多

至於肥呢個問題, 後來我發現我係水腫..

因為有一期, 突然覺得自己瘦左dd啦=)

 

 

直至到最近, 開始冇嘔, 食得好, 訓都ok啦..

有一個星期日飲茶時, 老爺同我講,

‘睇你個樣就知你呢期好食好訓, 個樣好睇返好多啦, 之前真係好wear呀”

哈哈哈~真係好好笑~

當然啦, 大家都有講研究 [仔]定[女]的理論

其實照oscar時姑娘講左一次, 14 wks 時私家又睇左一次

兩個都係一致既..

 

結果係…

 

我依家唔講住,照結構個次先開估, 睇下有冇變先….

最近聽得太多照左本身係女, 最後係仔, 又有初初明明睇到係仔, 原來係女

所以18wks 照呢一次, 應該冇100%都有90%準了麻

..



送上古怪照一張...怕嚇的唔好睇啦

.
.
.
.
.
.
.
.
.
.
.



嘩哈哈哈哈哈哈!!

bbb - 9W?10W?

第一次私家發現bbb時, 醫生照到同計到係6w3d..

所以我隔左4weeks又book左私家檢查下bbb的成長

 

由於第一次睇個個醫生都幾貴, 都有心想搵下有冇第二個..

況且我會係QE做check up, book多個私家只係求個安心

呢d錢都係慳得就慳 =)

本身都有因為佢唔駛點排隊等, 有考慮繼續睇佢..

但又比朋友講講 “唔駛排隊既婦科, 可能好極有限”

最後只有周圍問下人再揀

 

講真..係個時, 真係冇咩心情搵呢樣個樣, 日日唔係嘔就只可以係訓

 

 

其實最後都係冇點揀..哈哈, 只係人地睇過個d中揀出黎,

而我既先要條件係近公司, 唔駛我再坐車去好遠, 同埋唔駛請咁多假

講真, 我都唔知咩係好同唔好

只係知道呢個診所既姑娘態度麻麻, 醫生就都算好sincere…咁就算啦~

 

第一次正式私家產檢

Mr. b都係第一次見到bbb呢

Heehee..見到bbb個一刻原來真係好開心, 真正感覺到佢係我身體入面

醫生今次照左同上一次個個既預產期差一個星期..

唔知係唔係我嘔得太勁而所以bbb細左d呢?


bbb跟大家say hello

與bbb一起的第8 星期

與bbb一起的第8 星期

已忘記日子係點過…只記得係唔係都嘔同埋真係好攰

呢種攰係我從來無幻想過的…依家終於都明白點解d大肚婆返唔到工…原來初期返工真係好辛苦>.<

多謝hh契媽同ff契媽送比我的禮物，
其實係買比bbb的呢 - 我記得…我只係一個傳比bbb的channel…haha


這份貼心的禮物， 為我這個烏龍媽媽而設的！願bbb在媽媽的肚入面快樂成長

bbb . 醫院

當知道有bbb時, 第二件事就係搵醫院, 從來都冇諗過要係私家生
當然啦, 有一時三刻都有諗既, 不過好快打消! 加上我都係想順產, 亦唔係十萬九千未開頭……….

 

所以都係target 公立醫院

 

未有完全準備bbb的來臨, 咩research都冇做過, 咩都冇諗過, 連有咩分別都唔知…咩都係傻下傻下咁..所以只有立即周圍問下人..

 

當中選擇不多, 只有瑪嘉烈, 廣華, QE

廣華 – 因為知道係有地區限制, 所以唔到我諗

QE – 原來沒有地區限制, 聽說服務各樣都不錯

瑪嘉烈 – 近屋企

 

最後媽咪幫我打電話問QE..姑娘同佢講10月預產期的都應該冇位…
不過媽咪有d懷疑, 所以決定親身去QE的婦產科再問清楚, 去到問姑娘就話, 帶埋醫生紙來登記就OK架啦…

 

就係咁, 我地第二朝未到9點就去登記

 

去到既時候….我地都好驚訝…因為係冇人排隊!!

整個登記過程, 只係用左10分鐘, 就已經可以走人..

預約左4月10日第一次見助產士

 

順利到我登記完忍唔住問姑娘, 有預約紙係唔係即係代表收左我架啦? 哈哈哈~

 

與 [bbb] 一起的感覺

6 weeks 的bbb – 攰 + 嘔

 

攰

從來都冇諗過可以咁攰架…放工返到屋企, 咩都提唔起勁都不特止, 我的活動就只有…訓覺, 訓覺同埋訓覺

食唔食飯, 對於我個時黎講係完全可以ignore,
所以最慘都係mr. b, 因為晚晚佢都要食自己, 個老婆煮唔到飯, 連一齊落街食都唔得~

 

嘔

基本上係嘔, 勁嘔同埋不停地嘔

早上起身嘔, 落車嘔, 未食野又嘔, 食完野又嘔…聞到d濃味既野又嘔..可以話係層出不窮

好彩的係, 我次次嘔都係控制到, 控制到既意思係, 我會預計到自己要嘔, 所以都冇失儀過既

唔好講笑, 真係好辛苦….>.<

&lt;&lt;bbb&gt;&gt;鳥龍的發現

我的烏龍事件, 多不勝數..估唔到連發現bbb都出現左一連串的鳥龍, 希望將來我不是個”十分鳥龍”的媽媽就夠了~

 

起初病徵: 腸胃炎, 胃氣脹, 冇胃口

出現時期: 由2月22日的以為腸胃炎開始

 

 

2月22日

一早起身嘔了兩次, 認為自己是腸胃炎

當然有睇醫生啦..醫生亦都聽了我所形容的病徵後, 好快地斷証我是 “腸胃炎”. 當時我都冇太大的懷疑, 因為腸胃炎對於我黎講, 根本就係平常事..

不平常的是, 我只是嘔了一次就冇再有唔舒服, 只係覺得有d攰, 力不重心

藥最後食了一次就冇食了, 哈哈~都冇事啦, 所以懶得再食

 

2月22日至3月4日

呢段時間, 只覺得自己肥了, 可以話係脹左一個碼

返工的suit 都頂唔住要著返之前的舊size…

成天都冇胃口, 覺得肚脹脹, 有胃口

 

不過, 我都係覺得自己肥了係因為前半個月的anniversary trip

脹了是因為快到 period

Period 小姐還未到, 都是因為我病了吧~

胃脹只是我的腸胃炎未清, 還記得有一天跟媽媽通電時, 跟她說了胃脹脹, 她還叫我食之前醫生開的藥…….

 

由於肥了, 所以我去了做hot yoga, 還因為成日都覺得好脹好飽, 所以skip 左dinner個多星期..最後還飲了兩天涼茶…當然啦, 我的肥腫情況沒有好轉

 

後期病徵: 整天都作嘔

出現時期: 3月5日, 一早起身, 整天都在作嘔

 

3月5日

這天起身, 感覺比病更難受…不過實在不能sick leave, 所以只好返工了

作嘔竟然由朝早已有…(之前只有下午 / 晚上才出現的), 就係因為咁, 我終於都有諗到究竟我是不是…

 

3月6日

 

既然都有咁大懷疑, 決定比$20 去醫生到驗下…所以我連驗孕棒都冇試..

 

終於決定快去醫生到驗孕…

Book左公司的婦產科醫學, 飲定兩杯水, 去驗孕

點知去到, 姑娘問多幾句之後..唔準驗su su, 見左醫生先!!!

我第一反應係, {下….我好急呀…><}

就係咁…醫生同我做左第一次的超聲波, 沒有準備下見到bbb, 仲閃閃下咁同我say hello!!

 

那一刻的感覺仍歷歷在目, 真的好感動

 

[ bbb – the baby of banna and ben]

[bbb 6w2d]