bbb用品 - 人奶媽媽工具product review

人奶媽媽路絕對不易行, 當然亦有好多好成功的人奶媽媽例子..

至於我, 不算好成功, 但不至失敗

成功路不易行, 而且一定要有定人支持, 家人支持先係最重要, 因為初時真的很大壓力呢..

要知道, 當你帶bb出街時, 好多路人甲乙丙會有唔同既意見

最常見到bb喊就會話bb唔夠飽, bb餓

這聽似正常的 [唔夠飽/餓] 的字眼, 對於人奶媽其實是很有壓力的, 點解?

明明剛餵完奶先出門口, 點會餓…要知道路人說這話是不需要負責任, 可憐的是做媽媽的為了這樣簡單的話而感到很失落, 少點定力都會懷疑自己 – 所以我已告訴自己, 我絕不會問身邊的bb是否唔夠飽的!!!!

埋身餵奶, 最多人的疑問就是, 怎知bb食得飽呢?

指標1: 睇片片的數量 – 一天有7-8條濕片 (要知道沒有入又點會有出!!呢點要經常提醒自己..)

指標2: 每月的體重增長 (有好多人說, 人奶bb的體重增長較慢, 事實都是的…比起奶粉bb, 確實慢d咁…可是健康的指引是一個月有重0.5kg, 已經是合格了)

bbb 確是重得比較慢一點的, 頭1-2個月真的好辛苦, 日以繼夜的生活就只是餵奶餵奶同餵奶..每兩小時一次, 每次半小時, 連街都唔敢出, 非人生活

非人生活好快已經習慣, 下一個挑戰就是開始要儲奶…..

開始是, 我只是用手泵, 因為未知道自己可以堅持多久

Avent – 是經過不同的媽媽review後選出, 重點意見都是 [泵得清]

用後感: 確是泵得清, 不過始終是手泵, 真的會很用力很攰, 加上返工後泵奶時間唔多, 雙電泵一定會方便好多

而freestyle電泵是在bbb出世後第二個月才買的, 考慮了很久, 市面上有很多不同牌子型號, 價錢都較freestyle平,

力度, portability, 嘈音是我的決定因素, 所以最後都是買了freestyle

用後感: 簡單, 易用, 機身都唔算重, 都泵得到, 嘈音方面我未用過其他牌子, 所以很難比較

 

bbb出世的一刻 – II

 

 

入院第二天

 

一早就痛醒左幾次, 平均15分鐘就一次痛到醒的

基本上我沒有去玩fitball,沒有周圍行 – 實在眼訓加痛到沒有心情呢~

10點多, 媽咪探我, 帶了一些日用品來給我~由於不是探病時間, 我只好跟媽咪出

外走走, 順便去7-11為電話充電~

完全沒有準備好就入院, 電話經常沒電 (記得將來再有機會生多個時, 要準備幾個外置叉電XD)

間中痛到行唔到, 媽咪仲要講, 話我應該仲有一段時間要痛…依家的未算最痛

還記得我問媽媽點解我一開始沒有選到要開刀呢….証明當時已經開始痛到有點後悔

回到病房, 已經是中午飯…認真的講, 醫院的飯菜真的好難食…完全沒有味道的!!

已經痛, 加上飯菜普通, 只是吃了幾啖湯飯~

(醫院的飯餸真的不吸引, 仲要係0味道)

 

痛楚開始加劇..不能夠躺臥在床上, 坐著感覺好似控制到痛楚…(當時可能已經痛到冇感覺了)

好不容易, 才痛到5點的探病時間 (這就是私家醫院與証府醫院的分別….)

終於等到老公來到, 當痛的時候, 絕對係唔想見其他人, 自己媽咪同老公除外…

(已經痛到不可以坐直, 還有心情見無謂人咩, 請留番個位比老公)

老公一到, 我終於忍唔住要求姑娘睇下我, 我十分覺得自己係應該生得…當然最後得出結果係..未得, 一度都未開…

5點到6點, 呢一個小時, 除了痛, 都記不起是怎樣過…我忍住沒有大叫, 因為怕用晒d力, 加上成日聽到d人大叫比姑娘鬧, 所以我只有忍耐~

6點20 分 – 有個話完我既姑娘主動檢查我的宮頸時, 見到我的晚飯沒有食, 已經話連晚飯都未食, 點會有力生, 你仲有排痛呢..心裡真的好想喊, 究竟我仲有幾耐先生得呢..?!誰知, 一檢查就已經開到7度了, 即被安排推落產房

最後人手穿水, 沒有笑氣, 零止痛下, bbb 6點36分出世, 重6磅8, 女仔~

抹左乾淨, 姑娘就比bbb埋我身邊食母乳~我的人奶路就係呢一刻開始...

愛吃的bbb, 阻佢食奶...喊!! 
(張相係唔係好性感)

返到上病房都已經8時了, 過了探病時間
但係姑娘都比老公媽咪係出面等, 等到bbb沖完涼見左面先走~ (政府醫院也有友善的姑娘呢~)

我被安排到一間二人房, 心想: [正呀! 咁一定可以有覺好訓, 完全忘記了沒覺好訓的生活由bbb出世開始....]





看到這兩張相片, 很懷念初生的bbb, 其實她很可愛的 =)