my 1st rubber stamp

我第一次整的橡皮章!

成品唔係咁靚啦, 不過真係好開心架, 呢2個都係送左比2個朋友...希望佢地唔好嫌棄啦~

下次一定要再整好d呀~!!哈

忙忙忙

近呢個week太忙了...連update blog既時間都冇...

唔經唔覺..原來已經預備踏入4月尾了..時間過得真係快...距離我為人太太既日子都越來越短...

上星期, mr b 帶了布比我了..真快手..咁我地就可以開始預備個小禮物了...

最近同事比我感染了, 迷上了diy 既玩意...哈哈~我地上星期既 lunch hour...5日去了3次paper art, 攪到個到既姐姐已經認得我地了....哈哈~!!

星期六個日, 我都打左去教堂confirm番我個個booking啦, 都決定左5月9個日會去落訂啦...符小姐話個日要見成2個鐘...唔知有咩講呢?

妹妹今日正式考第一科既會考啦..希望佢可以好好咁發揮到啦...

Easter Holiday!

復活節咁就過左了...呢4日都十分充實

第一日, 一早去左買cushion芯, 去左$10 shop買冰格, 再接同事上左我屋企同佢地整指甲..
除左我媽咪之外, 今次都可算係我第一次同人整gel nail..哈~
dinner我煮左烏冬做晚餐~!!因為我要守齋, 所以所有餱到比晒Mr. B, 佢個個 "超級烏冬"..哈~!連佢食到一半都要抖抖呀...^^

第二日, 我地去左澳門一日遊~今次去澳門, 我地都有plan左去上次冇去到既大山巴, 同埋參加復活節既夜間慶典~!當然唔少得..呵呵~!
估唔到..咁多人既..去到信德..買飛個到打晒蛇餅..仲要最早已經得番2點幾船..
當然, 我身邊個個精明人, 為左唔駛排隊同埋唔駛等2個幾鐘先上船..最後買左可算係平價既黃牛飛呀~!去到即買回程船飛...竟然最早得番 01:45既船...其他已經賣晒了 =.=

我地只搵到主教座堂同埋玫瑰堂..2個都好靚啦...之後..仲食左魚翘撈飯做下午茶呀~哈哈~~當然唔係好貴個d啦..只係$30一碗個d, 不過食過番尋味呀~!!!
夜晚7點幾, 我地出番黎去左食撈麵, 之後就上去主教座堂到參與彌撒~因為係中文同葡文bilingual..所以完左都已經11點了...

優閒澳門遊..最後3點幾先返到屋企...好眼訓啦~!

第三日, 約好了朋友們到我地到打邊爐..12就起身, 去食野, 再去買好味餃, 再去$10 shop到搵杯..
仲去左買野飲同埋零食..之後我去街市買餸..哈哈~今次真好彩..買肥牛時, 個靚姐送多左幾粒黑椒牛丸比我..買墨魚仔時, 個個人同我整埋..平時我買番屋企整, 次次都整到周身墨汁~哈

嘻嘻哈哈玩左一晚...笑料百出..十分嘈呀~~ ^.^好彩冇比人投訴!

估唔到Mr. B真係飲大左...連行返入房都唔得..仲同我講佢係地下碌入去就得..真係比佢激死=.= 當然佢最後唔知點都係行入去既..不過就唔碌地下, 碌地枱, 點都唔肯上床..都唔記得碌到幾點..先有得訓了.. ^^

第四日, 去左唱k...2點唱到8點...
將成年冇唱k既力, 一次用晒..仲要好抵唱tim呀...哈哈哈~!!!
食左個開心茶餐廳之後, 哈哈~當然..係有野笑啦..笑到咩都消化晒就返屋企了..

好想再放多幾日呀~~~~~~~~

唔覺唔覺..原來已經4月...距離出發仲有9日咋~!!!
好期待好期待~

redang - we're coming

自上年到過長灘島之後, 實在係好掛住個種relax既感覺..

所以...今年, 我地決定左要去樂浪島了..

好期待! 月尾出發了........

cuttlebug - 第一試~!

嘻~拎左cuttlebug返屋企, 仲有係永信買既紙...

開始做我想要的利士封了...試左好多個型, 都唔知做咩好..

最後, 選擇左用囍鵲, 可能唔係好似...不過....算啦, 我既畫功係咁上下啦~.~

做左個底...下次先再做埋個面啦~~

my cuttlebug ^^

因為 {mrs cocoa bean}, 所以立心要訂個cuttlebug回家~

剛好有朋友既男朋友從外國返黎...

我將訂了的cuttlebug都送到佢屋企..

今日, 我的cuttlebug到我手了...真係好開心呀!!!!!!!!!!!!!!!!!!!!!!!!!!!!

今晚即試玩~

囍帖

酒席落訂個時, 已經決定用番佢地送既囍帖..再加一d自己既原素!

雖然係送的, 但係都不錯架~

之後我同媽咪呀妹諗左好多既idea...最後我地都一至認為加上一對中國button會不錯啦.......

所以, 四出搜尋, 最後揀了這個...

我做左呢個sample....至於內頁要點做...就仲未有idea...~

welcome board

係一開始既時候......已經諗好左點整個welcome board

終於有時間畫低個draft....上次放假時仲去買埋閃石啦~~不過到依家都...仲未動手做..

" 旻" 呢個idea係我未婚夫諗既...用佢個昌字既上半部, 加埋我個雯字做下半部~~

我好鐘意佢既idea呀~~~

橡皮章

為左我地既小禮物...之前諗住係外國到訂造一個印章..

近日無意間, 睇到好多blog友都自己動手做橡皮章~~實在太利害了~

亦都的起我既決心, 我都要試做自己的橡皮章呀!!

睇過夢遊小熊介紹怎樣做橡皮章, 再到$10店搜尋材料.....

希望我可以順利完成吧~!!

 

聘珍樓

記得我地08年6月個時, 大家都有了結婚的念頭..只係, 所以野都未得, 加上我轉工的關係...一直都未確定日子..

就係呢個時候, 身邊有朋友話我知, 佢已經 book好左酒席, 係09年既12月..仲話我知好多日子都已經full左....><
聽到之後就覺得不妙了..
我地想的月份係10月..即係..如果我地要係09年結婚, 依家就要開始book??

就係因為咁...我即上網搵酒樓.....花多眼亂~.~ 依家先去睇下有咩係好同埋arm自己...實在好趕!況且日子仲要定唔到呢....

到我地定到日子..打去問, 個一日都已經比人hold左, 仲要落埋訂了..真快手~!

轉轉折折..我地最後都放棄左10月了..
媽咪話, 冇理由急住個一時三刻去選擇一間唔係自己最滿意既酒樓呢..加上..兩邊家長對住酒席都有唔同既要求...

還好...作了呢個決定, 令到我地都鬆了一口氣..

最後...揀了, 全部人都覺得滿意既聘珍樓~
地方不是最靚的..但係.佢有一d其他酒樓冇既特質~

到現在, 我都冇後悔...^^