2008年5月...決定結婚了..
不過因為好旺呀, 所以好多酒樓都已經full左..
攪到本身想係2009年10完成婚禮都唔得...要等到2010年既1月..
自己當然興奮啦, 開似了上網search 結婚資料既習慣
搵到好野, 整左靚野....緊係好想同人分享..
不過...唔係人人都會有興趣, 結婚的又唔係佢地..
咁又係既....講得多人地都悶啦...
所以...唯有寫blog, 將自己想分享的放出黎, 希望有同感既人或者係有興趣既人都可以睇下, 分享下..
其實有時, 聽到其他人冷淡 / 負面既回覆, 都會有少少令到自己灰心...
所以決定左了, 人地唔問我唔講啦
我自己想人知既野, 我自自然然會打blog ^^
結婚已經好多野忙啦....唔想再有d咩令到自己既情緒去到咁fluctuate呀....
要時常保持心竟開朗呢!
好啦, 我要加油呀!
各位準新娘都要加油呀~!!
今日睇到天氣既預報, 預計5月29日係大致多雲有雨..
睇到咁, 真係覺得上天既安排真係好奇妙的
由我發病開始, 已經擔心我究竟好唔好得番, 可以趕到影相日..
一開始, 我記得醫生講話都應該唔大問題, 大概都唔會有咩問題...
直至上個星期, 自己都好好咁realise到根本都冇咩可能好得晒, 所以決定去改期...
係改期呢件事最難既係改渡假屋的日子, 人人都同我講, 一定冇得改啦...你book左佢又點會比你改第二日呢..況且仲要係得番一個星期
但係..點都要一博啦, 唔係比左個800蚊就一定凍過水
記我上星期個一朝, 我再次睇番張單..低b情況下, 我睇錯左佢其中一個terms & condition, 以為係一個星期前係可以改到
就係咁, 就滿懷希望左一個早上~哈
係打去問之前, 再睇多一次...先發現自己睇錯...但都決定左改啦, 就即管打電話去問...
最後緊係冇問題啦, 只係要比多100 handling charge 同埋差價..
錢解決到既問題就唔係大問題啦..
其實要改都有唔開心啦, 好似係自己既病令到又要改日子...
依家睇到天氣預報, 就知道呢個係天父既安排...安排我未好得晒, 改期出奇地順利同埋落雨........
如果唔係一早改, 到呢一個week知道落雨, 我諗渡假屋真係唔會比我改呀..
感恩~
好耐都冇去拍拖行街睇戲了..
因為我地兩個都太懶..連去街都懶~哈
星期六 - 拍拖先黎落雨
一早plan左今日去拍拖, 如果唔係一早買左飛...落咁大雨去街一d都唔過癮呀!
食左好耐冇食既sushi, 仲突破地去買台式野飲啦
試左kat推介既奶蓋鳥龍, 我地仲要多左杯仙草奶凍...(呢一杯野, 第一次飲係台灣..飲過番尋味呀!)
睇我地都好想睇既 "翻生侏羅館2", ben stiller..dum dum~!嘻嘻, 哈哈~
今朝又去睇左針灸了..
呵呵~!!可以微笑到啦finally.....終於都有d令到我覺得開心既進展啦~~
星期日 - 冇屎用肥豬打波日
陪左隻大肥豬去打波, well..不是狀態, 蝕左我碗雙蛋雙腸麵啦!!!!
返到屋企仲要頭痛~~冇屎用呀!
等左好耐換領既既dvd 機...終於都拎左同埋,駁左....哈哈!
夜晚仲睇左 "港產片" 香水呢..如果佢唔係講英文, 係講番法文既, 會更加match個個意竟呀~
一套估佢唔到既戲...great movie~
dinner @ home - 家常便飯
不得不讚自己, 因為碟碟都有味架~~~~哈哈
香煎鵝肝伴啤利蛋多士, 車利子汁
蕃茄汁原粒磨菇豬扒花邊粉
香煎和牛伴芝士包粒, 香芒檸蜜特飲
ha皮3十超特濃朱古力蛋糕
自上次的情人節餐之後..今次都可算係我再認真花心思的一餐了..
好開心得到好評..雖然我整d咩你都會話好食啦..嘻~
仲以為你會話個蛋糕唔好食..點知整得好arm你口味呢..
見到你個樣似悶悶不樂的, 原來係一時的感慨
人生唔如意十常八九, 只要你知道幾時要確確實實咁去做好每件事就已經夠了..
願你有個ha皮的開始!
我地最愛坐係沙灘椅到看著呢個無邊際的沙灘~!呢個view就係呢個島的賣點了..
所以我地都冇咩去join佢個d浮潛tour, 寧願係沙灘到影下相, 游下水...
真係好寫意呢...嘻~
除左靚沙灘, 仲有我地難忘既馬來西亞美食啦..(不過都唔係係島上既...)
