1.31 - 接新娘

前一晚2點幾先去訓...我係一上床已經訓著左..仲要訓到唔知醒...係伴娘叫我先識醒啦..
不過..個時已經係6點55..而我約左mua + 姊妹7點到..
我咩都唔理..即使mua到左, 我點都要做左個facial急救左先..哈哈~~~所以係媽咪先化妝~
photo個邊..7點半準時到..見到我係到行行企企仲係到同d姊妹玩啦...(一黎到問我, 下面著粉藍suit好型個個係唔係新郎哥?)
我叫左佢地8點先集合去食早餐...9點接新娘..
點知另一姊妹都已經話..7點3已經見到佢係到傻更更咁同伴郎係到等..
係人都見到佢仲好緊張...哈哈~
7點40..到我了...開始set頭..再化妝..

 

因為我太遲..所以係接新娘前..同唔到姊妹影相呢~唉~
講下個褂look~

褂頭同褂妝..
mua一早已了解我既style..所以所有頭都係佢同我諗, 我都唔知架..
呢個褂頭, 好多人都話好型..唔似一般個d咁啦..
我訂花球時, 要求要雞冠花做頭花..好鐘意呢~
同埋, 好緊要既係..襯我同cocoon褂啦..heehee~~

唔知大家睇唔睇到我對耳環呢..
都係我diy架..

因為我想帶一d有紅既耳環...不過婚前搵極都搵唔到
所以都係自己整左...
哈~不過.......最後..係唔見左啦...我仲整左另外一對..又係一齊唔知去左邊~.~

兄弟相~

化妝時, 聽到佢地話個花車公仔整唔到上架車到..個個都好緊張..攪到我坐係到化妝都想出去問下咩事..
就係因為個公仔整唔到...攪到老公同兄弟遲左15min先上黎...
都算好好架啦..次次都聽人講...新郎同兄弟一定會遲..
上到黎..知道時間不多..已經cut左2個games..
我地係開會時都講左, 玩games呢part我地唔注重..唔好太過份呢..
加上, 原來我班姊妹真係好良善...
攪到係預備時, 攝影哥哥都忍唔住話佢地太善良, 仲教佢地加料呢...

games呢一part唔多講啦, 都係d簡單games, 冇咩太特別..大家睇相明架啦...

期間有個game係要落街影..不過我屋企個到又係呢個時候其中一部lift壞
愛的宣言..呢個要講講

內容係老公一早作好..交比姊妹
而整張都係姊妹們既精心diy..我好鐘意..收到好開心呢...
睇得出佢地化左好多心機..!真係好抵讚!

攪掂...接到新娘啦~~

到最後..先補影番d姊妹相..
雖然得幾張..不過都好開心架啦..

PS: 其實接新娘games只求有d氣氛...真係唔好太過份..一陣玩到個個都黑面就真係唔好啦
老公上次做兄弟..d姊妹太過份...玩到新郎發難"jar", 影出黎既相都係黑面呢...