結構 I – II – III

照結構係oscar後的另一關

通過結構超聲波可以照到bb係媽媽肚入面成長的進展及成長

結構超聲波要係18-22週內進行係最清潔的

係bb皮膚未長出前就要做, 目的係要清楚睇到bb的血管, 心瓣, 心室..等等

 

結構超聲波 – I

做過好多research, 大約都知道結構超聲波的價錢係1500-2000左右

而我確實冇頭緒應該搵那一間診所…所以問了自己睇開 [說話簡潔]的私家醫生 (說話簡潔本是美德, 不過麻….次次比6百幾蚊睇個唔夠10分鐘, 自己都覺得心裡唔舒服, 即使好多問題, 佢既答案都係咁[簡潔] )

醫生都有照結構的, 不過就唔會有報告出, 收費亦都跟平時產檢一樣而已~ 心想既然出報告沒有大作用, 只為作一個紀錄, 重點只是要知道bb健康就可以了!何不慳番幾百添新裝, 所以就約左18week時做產檢, 順便睇結構

18週前, 都一直都有睇究竟結構超聲波會睇到同照到d咩…會有咩問題出現,做好晒準備

當天mr. b 陪我去, 結果呢, 就係醫生咩都冇講, 只係自己係到睇睇睇, 睇完就話一切都好正常, 不過仲有一d未睇到, 約我21週再照..

心裡已經有200百個不滿意, mr.b 離開診所的第一句就係問: 咁就係結構超聲波? 同平時產檢都冇分別…..

 

結構超聲波 – II

經過上一次, 都有掙扎究竟我應不應該比那1500元去結構超聲波 , 再一次說服自己, 既然都揀得呢個醫生, 當然要相信佢, 說話雖然簡潔, 可相信他有為bbb睇過晒一切都安好

有見於此, 21週時, 提早了產檢時間, 再一次進行結構超聲波II

醫生比上一次照得耐左, 重覆係同一個位到照左比較耐 (絕對唔知係邊個位, 只知道螢光幕上是同一位置), 最後醫生說, 看不清心臟的血管, 所以轉介我到另一間診所到做一次結構超聲波

Xyz!@x*#%)!xxy

無錯, 由於他那一句看不清心臟的血管, 令我不知流了多少眼淚, 即預約“明天”的期, 由於有醫生轉介, 所以本身已滿預訂的約期都可加插到我入去~令我更加緊張bbb是否出現了問題?

 

結構超聲波 – III

緊張低落的心情一早就去到醫務所, 是一間大型的孕婦檢查中心, 專門為孕婦提供oscar, 結構超聲波等等. 等了個多小時, 終於都到我

醫生很年輕, 一瞼親切的笑容. 醫生看過轉介信後就為我進行結構超聲波

(新型的醫務所真的很讚, 看得出所用的儀器等等都是最先進的)

醫生明白我的憂慮, 一開始就先為bb看血管, 一照就話冇問題了, 睇得好清楚!!!

(呼~~~~~~~~~~~~說不出的興奮)

之後就慢慢睇bb其他部位, 醫生再問就是我知唔知道bb的性別

(冇錯!!!係女仔呀…發女寒的我同mr. b不知幾開心)

醫生好清楚咁解釋每個部位, 去到唔同的位都逐一解釋

(呢d先叫醫生麻………)

大約20分鐘, 完全, 有幾張4D 相 + dvd + 報告, 盛惠1500元正

 

就係咁bbb過晒關, 等出世啦~~~~~

 

後記:一個好的產檢醫生好重要, 因為至少咩都會解釋比你聽, 當然啦, 其實做媽媽的只要聽到bb好正常, 已經夠, 但係人係貪心架 :-)

至於照結構既錢, 基本上係唔慳得!