26th month

自兩歲後, 每日都有驚喜~

日日都有笑料~但依然好"TROUBLE"

我都好唔明, 究竟係真係TROUBLE 2定真係BBB咁麻煩!

有一段時期, 真係講唔聽, 話唔聽, 我都有反醒自己係唔係唔識教.....灰...

自兩歲後, 媽媽對BBB既飲食開始放寬~

係, 兩歲前, 媽媽都堅持唔比有調味既飯菜比BBB, 

就算出街, 都係自己帶飯架..風雨不改

兩歲後, 開始出街就跟我地食啦~

當然我都會安排一D唔太重味同唔多汁既比佢

免得佢之後唔食屋企個D~

我地都分得好清楚, 平日係屋企佢食個D依然係零調味

見佢食得都好, 所以應該問題不大既~

依家佢有味又食, 無味都食, 仲食得進步左, 安慰~

但就食得好慢.....佢唔比人攪佢碟飯, 自己食足一個鐘但食晒...

中段試過問佢係唔係唔想食, 拎走佢D飯, 佢係會大力反抗.....

食左個幾月藥, 一放聖誕假就好返啦~胃口仲比之前更好~

早餐: 8oz 奶+ 早點

學校: 茶點 (聽老師講, 佢次次都食晒, 仲大部份時間有要求

午餐: 正常一碗飯, 菜, 肉

小食: 餅/水果

下午茶:  8oz 奶

晚餐:  正常一碗飯, 菜, 肉

8點: 又會跟我地一齊再食! 

作息正常, 每日一nap

語言發展都正常, 表達能力算幾好~

 

第一次學校旅行~

因為BBB係細B, 所以返左學個幾月都未好講到學校發生咩事

呢日去旅行, BBB初初都係發呆架, 突然佢介紹晒佢同班同學既名比我知~

哈哈~原來佢返學都唔係發夢!

見到小朋友們一齊好開心, 仲一齊SHARE 小食~~

BBB真係好細粒...(NO EYE SEE)

 

怪住玩, 叫佢同媽媽影相都好勉強...><

 

 又一失敗, 死都唔望鏡頭之合照~! = ="

  

第一次睇望遠鏡

唔知佢睇唔睇到~~哈哈哈~

 

 

  

 

 

學校小手工之- OLEF~

其實學校都真係幾CREATIVE

咁都比佢諗到~

我無參加義工媽媽~張相係其他媽媽影完SEND比我架~~~好開心~~

  

 CHRISTMAS PARTY, 我無JOIN,爸爸去左陪玩~

好後悔, 因為當日勁多節目, 又表演又玩遊戲, 又聖誕老人~

不過爸爸好ENJOY, 見到BBB都係好ENJOY~

  

開始大個囡, 見到野, 叫我同佢影相~哈哈哈~

BBB最愛的貓~~喵喵~

 

 

 

姐姐放大假, 我地癲了, 呢一個下午, 我地頂唔住瞓著左, 一起身就比佢呢個樣嚇親..
玩媽媽的MASCARA 玩到周圍都係...連床單都有..
暈@.@