27th month

你今個月媽媽大挑戰，因為姐姐放假返鄉下3星期！諗起d家務已經想暈～

媽媽我由聖誕節開始放到1月頭～

原來我都好享受每日做dd家務然後又可以湊住bbb出下去咁，時間比返工更充實！

表達能力：都唔記得由幾時開始，bbb已經可以bilibala咁講野～

總之依家就係把口停唔到XD唔係講野就唱歌～

笑料好多，我同b ba日日都笑到收唔到聲！

笑料1:爸爸叫佢拎野比佢, 佢竟然係話...

"我唔得閒呀, 幫唔到手!!" 爸爸話都唔知佢忙咩XDD

笑料2:愛上左幫我地影相....EM....仲要學晒我地講野

"望住融融相機呀!!"

影埋一大堆腳~~

 

笑料3: 有次出街坐爸爸車，不嬲我都係同佢一齊坐後面既，

呢日我一坐低，佢就話媽媽坐前面揸車，爸爸同bbb坐後面..

.就係咁我地做唔啱佢心水，佢自己勁忟咁喊！

成程車就係到喊住，我要爸爸坐後面～😂😂😂

我見到佢咁都唔知激死定笑死

情緒：bbb好慢熱，一見到陌生人佢就變左另一個人咁...唔出聲，點叫把口都唔開.....=.=''唉....出去玩時，人人都以為佢好乖...em...其實佢只係扮野唔出聲～

放假日子, 帶BBB去郵局拎信~開開心心咁又一個上午~

傻妹依家見到d得意野，會叫我幫佢影相XD

當然唔少得同班BB朋友一齊去玩去食去開心啦~

我地仲同堂哥堂姐表姐嫲嫲爺爺去左海洋公園~BBB第一次去, 好開心~咩都係好新奇! 最慘爸爸要返工...我又挑戰單拖~講明要自己行, 唔係就坐車~~都做到8成架, 間唔中唔記得左,提下就乖乖自己行番~

 

唔怕高, 不斷向外望~

最後晚餐去左海龍皇餐廳, 呢個BB自己快快食完飯, 瞓左!!!

 

年尾實在唔可以放咁耐假~ 假期其中一日下午, 帶埋BBB返公司!!!

佢都算好合作, 坐係佢個私家位到玩玩食食左3個幾鐘!~

 

仲有同契媽們食TEA~!

想拖住木木妹妹玩~

 

仲有第一次去DISNEYLAND!!
大鄉里出城呀!!!
今次同公公婆婆呀姨去~

愛上打鞦韆, 去到公園咩都唔玩, 只排鞦韆, 玩完又排, 玩完又排~!