my swavorski necklace - diy

呢條頸鍊...真係有血有汗!
點解咁講呢...因為..真係用左我好多時間..仲要最後係唔成功要放棄!

話說有一次放工, 經過專門店
見到呢條鍊..
即刻係個心到 "嘩"左出黎..
我自己覺得好靚, 好鐘意!!
當然..係即刻入去睇啦, 好想買左佢!

點知..一睇...
=.= well...一定唔會買..
佢個賣價係 $7350
7千幾...買條水晶鍊
個sales同我講呢條鍊係handmade架...好靚!

見過之後, 念念不忘...次次經過都入去睇一次..
就係因為咁, 我...開始想自己整一條....我覺得應該唔難整...只係要勁多心機...

之後話左比個朋友知我好想自己整之後, 佢叫我點都試下係唔係好睇先啦, 唔係整左唔好睇, 到時side心機..
所以..我終於都去試左...試完, 即去ssp買料..因為比睇更鐘意..

上網搵到個圖..
條鍊係咁既...現場睇, 勁閃...

成條都係用角珠穿成架, 佢係用3粒角珠穿...穿到佢好似三角柱咁再扭再fix位..
諗就易...
我買晒野...只係穿個一part都改左3次...因為用幾粗既魚絲都係好重要,
頭一次用既太硬, 成條野硬到打死人
第二次用既太軟, 成唔到王型
第三次...覺得差唔多..就開始..係咁穿穿穿穿穿穿

我穿左好耐, 先穿晒arm用既長度...
以為入直路啦..
點知一fix位...就出事了..
中間個d扭扭位...唔firm既??????
即係我用既魚絲都係差dd硬度..
個時, 已經係婚前個半月了..我已經用左好多時間係呢條鍊到...如果要再穿...
即係要放棄我所以outstanding既item..
所以..我...最後忍痛放棄

就係咁, 條鍊放左係到, 冇埋尾
媽咪話都可以bd個日帶埋去, 睇下mua用唔用到係我個頭到..
其實都好唔開心架...因為花左咁多時間係呢樣野到...到最後冇得用..
仲要我諗下我用咩手僑飾代替..勁煩
係我好煩好煩整唔整多次個時, 老公既大哥買左條鍊比我..咁即係叫我唔好再諗, 決心放棄了!

到bd當日, 我都有放我呢條半製成既鍊係我個手飾盒到...
原先係諗住用黎襯席前晚裝, 最後係用大唇送既珠鍊..
到影晒相入去換match in婚紗時, mua同我講, 我個半成品好靚呀..可以用!
佢一手拼左落我條頸到, 當choker咁樣, 原來真係勁好靚呢..另一番味道~~~~~
但係我同佢講, 我因為唔成功, 所以佢冇埋尾, 係未有扣架..
佢即搵左條絲帶, 叫伴娘幫我fix左佢, 佢就幫我轉左頭先..

就係咁, 最後當然係成功左啦...
我d好朋友個個見到都勁讚...仲勁開心, 因為佢地都知我為左條鍊唔開心左好耐...
比多d相你地睇下先..heehee

 

唔好意思...太長氣..因為..真係心血呢~~