K1 Interview - 7th

 K1 interview / 7th interview / 6.12.2014 / 17:00pm / 九龍塘/ 學卷

黎到最後一個面試亦係媽媽的第一心水~

不過唔知有幾多千人一齊爭個180個位, 機會微到諗都唔敢諗..

今次呢間要考埋爸爸媽媽的, 我認我真係好緊張, 一早做晒RESEARCH~

都好好彩有好多好人BLOGGER, 比左好多面試TIPS我~

我同爸爸前一晚都有討論應該點答D問題, 有D好STANDARD 既答案, 爸爸會話好假...哈哈哈~所以我地都係以最真實既情況去答....EM...希望老師欣賞啦~ 

BBB入唔到呢間絕對係因為爸爸媽媽答得唔好XDDD

有鑑於上星期既失敗, 今次媽媽終於都醒目帶定BBB最愛既零食..

(去到最後一次先識XDDD錯晒~~)

今次既面試時間係下午5點~我地3點幾已經係屋企出發~呼...時間剛剛好早到25分鐘, 入去WAITING AREA 等左10分鐘就安排去WAITING AREA II到等叫名~

未到時已經開始食XDDDD

一見BBB有D咩唔對路就比野食...哈哈~!!

呢個方法果然都幾WORK!

因為係WAITING AREA 1個到等緊時, BBB好似有D唔耐煩..

比完野食就無事~~~WAKAKA

我同爸爸都緊張~哈哈~爸爸話係我令到佢咁緊張, 

我仲不停咁問佢如果老師問你咩咩咩, 咁你又要點答呀?bla bla bla...

成個過程都唔駛等太耐, WAITING AREA 1 等左10分鐘, 

WAITING AREA 2 等左5-8分鐘就到我地, 一組係4個小朋友係一個班房~

門口等緊都仲餵緊零食~!哈哈哈~好誇張~真係食到入去前一刻都仲食緊XD

入到去家長坐高櫈對一個老師, 小朋友坐旁邊既矮櫈有另一個老師, 檯面有幾份玩具~

老師比我地既感覺好好, 好友善, 有笑容, 好溫文~

1. 問平時我地返左工, 邊個照顧BBB

2. 咁假日我地會同BBB去邊

3. 問我覺得如果小朋友返學, 我應該要為佢準備D咩

4. 將來返學, 會點安排呢?

 (老師好細心咁睇左我地住邊, 都有話可能未必入到去我地屋苑個到, 

但附近都有既, 要睇番學生既路線..等等) 

哈哈~!其實我好想講, 唔理有定無, 你地收BBB就得架啦XDDDD

5. 如果將來對功課, 會係媽媽定爸爸呢?

一如以往, 通常次次我同爸爸一齊時, 我地都係輕鬆中渡過~

我地都未答完, 已經見到BBB企左起身, 拍好櫈

本來以為老師會勁問爸爸, 最後我同爸爸都平衡地自己答問題, 每條問題, 我地兩個都有參與下咁~之後我仲問爸爸, 點解老師問我地咁少問題, 會唔會唔夠了解我地同BBB架....仲有我準備好左答點解揀呢間學校...但竟然無問...爸爸仲笑我, 無得發表我既偉論XDDDD

12月底會有結果!

 終於都完了, 依家就係要我日日睇信箱啦....
希望有好消息啦~

K1 Interview - 6th

K1 interview / 6th interview / 30.11.2014 / 08:45am / 黃大仙/ 直資一條龍

interview 黎到尾段啦, 媽媽最想心水既兩間都係壓軸

今朝8:45AM, 呢間婆婆好鍾意, 但要入真係唔係咁易...同埋仲要有2ND IN

爸爸做司機, 我地一早就好多阻礙...

首先媽媽等爸爸車時去買麵包, 先發現自己無帶錢!!!

好在我成日都會收定D錢, 以防萬一~

之後爸爸個GPS 唔WORK!!!開極都開唔到..........

再之後發現媽媽唔記得帶電話, 但無GPS又唔掂..

所以飛上樓拎!!!!仲要去到, 所有LIFT上晒上頂樓!!!

我為左快...我跑樓梯

真係無命~!!!!!好在跑到上去, 發現都未落到去地下

我羸左!

之後明顯就係又無LIFT, 所以又跑番落去...

為左個囡, 可以有幾盡...

落到去啦, 當然就係發現個GPS 好番啦..

不過算...總算出發啦~

一路都好似OK, 無塞車...

去到黃大仙...個GPS指我地上山...

EM....我呢D唔識路既乘客緊係唔出聲啦..

只係好緊張會遲到..

最後麻...個條路咪就係上飛鵝山, 再係山頂落番黎

間學校係山腳!!!!!!!

都好在~遲左DD, 都比我地入..

拎左個號碼LABEL就上兩層樓梯

學校好大好靚!!睇到媽媽嘩嘩聲~

佢地仲有泳池架!!

上到去, 等候區, 個個小朋友都坐定定等老師叫號碼

等左10分鐘, 咁啱我地係下組的第一個, 媽媽都已經準備好~!

諗住開始比定D野BBB食時, 無啦啦就叫我地個NO啦~!

原來上一組有個小朋友未入課室已經喊緊~!所以搵我地頂上..

個一刻都無諗咁多, 經過之前5次面試BBB都無失常

所以我都無諗咁多

入到去, 其他5個家長及小朋友, 3個老師都坐定定了~!

小朋友坐一行對住老師,家長坐後面

我好快坐低..BBB唔肯坐...

我已經滴汗中...好在佢講左兩句, 肯坐

之後已經即刻開始

老師叫小朋友企係身 - 唔做

老師一齊唱歌 - 唔理 (仲要唱佢隻飲歌!!!)

老師拎住公仔逐個問名 - 唔笞

之後拎一個袋出黎派個假水果 - 無反應

問咩水果 - 唔講 (唉!!!)

之後老師講一種水果, 叫小朋友拎返出去 - 唔做唔出!!

最後老師再叫出去拎禮物 - 一開始唔做, 到最後都有出到去!

去到咁, 我已經無希望過任何野, 只怪媽媽做得唔好

點知...一出課室門口, BBB同我講SORRY

(!) 下 !!!

即係佢知道自己應該要講, 但無講

去到咁, 我已經忍唔住, 想爆炸了

我無出聲, 直到上到爸爸車,

BBB同爸爸講, 係呀, 無講呀!!!!

我都唔知嬲定點, 我知我EQ再一次被挑戰!

今次我真係好唔開心, 理智上我知我唔應該咁,

但見到BBB咁我又真係好忟....

如果唔識唔知唔明, 我理解

但明明就知, 又明白既

就偏偏唔做, 我真係好想喊!

成程車我無出聲...

返到屋企本來好嬲, 但呢個傻妹係到同我玩, 

我又嬲唔落..仲要我幫佢影相~~哈哈~

直到中午出去前, 我忍唔住問BBB

媽媽: 你鍾唔鍾意間學校呀?

BBB: 鍾意呀! 好大呀.....

媽媽: ...........................無言(爸爸爆笑中)

媽媽: 原來你鍾意 (!) 咁下次老師同你唱歌同你傾計你要話比佢地知先得架, 唔係佢地會唔知..

 媽媽唔易做...我今日又上一課~

我唔係怪BBB, 只怪自己唔好彩...

小朋友既心理狀況應該係優先要照顧的

呢樣野我從來都明白, 我下次一定會做得更好!

下星期仲有一間心水, 希望唔好玩野啦........

 

K1 Interview 4th & 5th

K1 interview / 4th interview / 8.11.2014 / 14:00pm / 荃灣/ 學卷 

其實呢間我有諗過放棄, 因為校舍細同舊, 而且好多人話好多新移民等等

婆婆話幫我交表時都想縮沙XD慳番$40!!WAKAKA

 加上之後另一間學校見14:20, 所以都要決定..

最後有去, 因為都怕BBB唔得既話, 多個機會

今次面試媽媽見識到咩係正宗怪獸家長!!

入到去等期間, 係玩具檯玩下, D玩具好舊, 而且有D已經唔齊?! 

不過老師人人都好有禮貌好NICE, 我相信都係呢個原因, 好多人都會揀黎面試~

等左一陣, 10分鐘, 個心勁急, 因為好想趕埋去下一個面試...

終於叫我地, 一批人十個小朋友

一個老師面試兩個小朋友

我地坐低, 枱面有好多玩具, 任玩

成個過程都有10分鐘 (佢地係有計時架, 有個老師會示意時間夠)

當中其實無咩問小朋友野, 只係同小朋友玩下, 當然簡單問下名既都有~!

呢間唔係我心水, 所以都好平常心~

不過BBB另一位對手既爸爸就好AGRESSIVE

一坐低, 已經叫自己個囝 "快D話比老師知你叫咩名啦" 

講完, 再即再叫佢講 "幾多歲呀"

之後老師就先同佢玩, 佢地係玩大舊LEGO 既~

老師同小朋友一齊玩, 之後老師想轉過去BBB到同佢玩時, 呢個爸爸又出招啦

大大聲咁 " XX, 不如你拎個RED比老師睇下" 

我真係見識少, 只係笑笑口望住佢...比唔到反應!!!!

心諗, 其實如果你英文唔係太好, 你可以講中文囉!

哈哈哈~我認我衰架啦, 我自己唔係叻, 

但我唔會咁同BBB講野, RED 咩RED姐, 紅色咪紅色囉!!!

當然老師都會理個個小朋友, 因為小朋友係唔知發生咩事既~

老師又再轉番同BBB玩, 佢地係玩車仔, 行路軌~

當老師架車同BBB架車撞既時間, BBB笑到KAKA聲!!!玩得好開心~

當呢個情況一出現, 呢位爸爸又出招啦!!!!

" XX, 不如你唱隻歌比老師聽啦"

唔記得佢話唱咩歌啦, 佢個囝唱左句就唔太再唱落去咁, 得個爸爸係到唱

(個D唔喊唔淡既英文又出黎啦)

呢下我真係忍唔住, 已經唔想再望佢地, 所以我揀同BBB繼續玩下就算~

唱完歌, 老師叫個男仔不如比佢玩緊既LEGO BBB睇下, 點知佢即SAY NO!

爸爸話, 要SHARING 呀, SHARING 呀!!!哈哈~

當然出盡所有辦法都係唔WORK, 

反而老師叫BBB比其中一架車比小朋友, 即做XD

就係咁, 10分鐘, 完成!!比禮物講多謝BYEBYE, 我地走先, 

個個爸爸仲捉住自己個囝唔知要表現D咩比老師睇!

大開眼界~

(其實我心入面好衰咁諗, 如果咁AGRESSIVE, 出去考私校啦, 呢D村校唔會啱架~ )

出到去, 14:25, 好緊張, 即飛的去第二間面試, 係遲左架啦, 盡自己最後努力啦!!

PS: 剛收到呢間既AM OFFER 呀!!!!意想不到~~~

K1 interview / 5th interview / 8.11.2014 / 14:20pm / 荃灣/ 學卷 

14:33到, 即同門口CHECK 表的人SAY SORRY

講左個自己都覺得唔好意思既大話 (好內疚講大話..為左個囡, 咩都做得出!)

學校好大, 連教堂, 加上地點比較靜, 我覺得環境好好~

等多個小朋友就有老師帶我地上去WAITING AREA

又見到另一怪獸家長...個小妹妹完全唔會聽爸爸媽媽講野, 死都唔肯比番條車匙爸爸

之後又係半中半英...you 比番條KEY 爸爸.....!!!咩事.......我真係接受唔到!!哈哈~~

(如果英文生字, 我接受, 但唔好一句入面又中又英....em...)

之後上到學校層, 入一個等待班房, 入面連埋我地都係得3個小朋友? 呢間真係無咩人揀??

我同BBB搵個左假蛋糕, 玩得好開心

等多陣, 就有老師叫BBB同另一個小朋友一齊到第二間課室進入面試

老師先問

名同幾多歲 - 有答

拎左幾件煮飯仔出黎問刀叉匙係咩, 用黎做咩 - 答到

之後再找積木出黎搭高 - 做到

期間問另一位小朋友問題...無答, 所以小朋友既媽媽搶答!!

話佢小朋友最近都係唔講野, 平時好多野講, bla bla bla

再返黎比份動物拼圖bbb玩 (六格兩片拼圖, 要玩3款)-做到

老師再問呢6款動物係咩 - 答晒

之後再拎物件卡出黎, 問奶, 熊貓, 紅羅白, 碗, 車, 筆

除左奶答左水, 其他都答到

之前比禮物,講多謝, byebye, 拍凳走人!
呢間真係估佢唔到咁多野要問呀!!!

咁急時間, 都估唔到bbb狀態大勇呀!有問必答~!

呢個小朋友都好滿意自己既表現咁XDDDD
但都唔駛留晒口水架~~HAHA

K1 interview - 3rd

K1 interview / 3rd interview / 1.11.2014 / 14:40pm / 大圍/ 學卷

見完第二場，趕去食飯～

攪到過晒鐘先食lunch..我好怕bbb捱唔住會勁扭>.<

好在佢頭先小睡左，快快食飯～之後又趕入大圍下一個面試

去到時間剛好～

先係學校門口排隊，過程都好快既，大約5分鐘已經可以入學校登記～
bbb入到學校好似好開心咁，見到人主動打招呼～
登記左就入去waiting area到玩～
有大肌運動，另有一張檯玩玩具～

玩左5-10分鐘，就全部人一齊入課室～

學校好大，原來仲有另一邊waiting area有滑梯，bbb 見到想走埋去玩, 被我捉住！
好彩捉得住又無再反抗！

入到課室，已經安排左邊group, 一個老師對3個小朋友～媽媽坐後面填問卷～

每個小朋友面前都有一份玩具，三份唔一樣！

坐低晒，老師就開始啦～先問小朋友名幾多歲，逐個問，之後就叫佢地玩面前的玩具！
老師會先逐個小朋友比指令，之後再睇～

Mission 1: 5粒唔同色積木，疊高 - 做到，老師再逐一粒積木問bbb 咩顏色！
聽到咁，我都預左衰～點知bbb好自信好快咁答老師顏色..
當然啦，好快咁答唔代表識，即係錯XD 媽媽係後面忍住笑，因為佢真答得好快地錯！
老師問得快，問晒5隻色～之後就叫佢收拾好呢份玩具！

Mission 2: （換其他小朋友份玩具）今次考配對顏色- 做到~再收拾又換其他

Mission 3: 都係顏色配對問題, 好快攪掂

拍椅, 老師比番張紙仔我地, 講唔該, BYEBYE!


見完都無咩把握會收, 始終細B, 仲要生得細細粒...真係好蝕~

一日3個INTERVIEW, 真係好攰...好在BBB都失控, 亦都好合作地完成


後記: 呢間已經出左OFFER, 收左BBB讀下午班~第一間收到OFFER, 唔理係唔係心水學校, 媽媽都難掩興奮呀~~~WAKAKA!!!

K1 interview 2nd

K1 interview / 1st interview / 1.11.2014 / 12:00nn / 青衣/ 學卷

11月1的第二站~

BBB見到第一站, 上車食住餅餅...突然發現佢瞓左!?!

都好既, 瞓下叉下電先~

由黃大仙到青衣, 都好快到~

我地都由BBB瞓多陣, 11:45先落車~

學校裝修中，bbb好好奇

早左10分鐘到達, 不過好多人!!!!
仲要等到12點正先入得去~

終於入到禮堂..等...入到去，發現好嘈！好多人係到跑緊，喊，大叫，扭咩都有！

我地一等就係1個鐘！！

好多小朋友都由坐定定變到不耐煩...

其實我同爸爸都不耐煩！

1:05pm 終於叫名

得一個家長陪入

Group in

一張檯5-6個小朋友加一個老師

小朋友玩玩具，老師逐一傾計

都係簡單問左幾句

咩名 - 有答

幾多歲 日有答

男仔女仔 - 有答

之後就轉移下一位小朋友

期間發現有個小朋友既哥哥都可以一齊入黎？

應該係哥哥舊生，現在到妹妹入讀

老師面試的大部分時間都係同那個帶左哥哥黎既媽媽傾談！！

而坐係bbb隔離個位小朋友不斷搶bbb 玩緊既玩具...

最後臨走前再問下其他家長一兩個簡單問題

係唔係教友？

住邊？

我得到既回應係...報到咁遠？！（其實都真係唔遠.....em....)

15mins 完！！

學校連教堂禮堂有三層都好大，所有樓梯都係有小朋友扶手

但整體感覺麻麻！

K1 interview - 1st

K1 interview / 1st interview / 1.11.2014 / 10:00am / 黃大仙 / 學卷

見大家都有講下INTERVIEW實況, 我都想記錄下~

11月1, 我地中左3間INTERVIEW..

好在時間剛剛好, 可以安排到見晒~

爸爸都請左假, 呢日就做左司機~哈哈~好在有司機, 唔係真係會好攰呀~~~

因為本身我係有信仰既, 所以我只係有揀有信仰背景既學校~

但就因為咁, 選擇得好少...

又可以咁講, 香港區教會既出名好多...

如果可以, 我真係想搬屋..!!!!!

ANYWAY!

一早出發, 去食早餐~!點知今日唔知做咩, 周圍都好多人, 攪到我地係食早餐攪到遲左出車, 雖然都有預鬆時間, 不過心情好緊張!!!

其實揸車出去都好快...點知...

搵唔到路!!!!!情天霹靂, 又唔鬧得

好在我眼見到間學校, 咁啱又停到車, 我即抱BBB落車行過去~

去到, 已經見到好多人係到排隊..無遲到~~~呼~!

係露天操場到排隊20分鐘等既期間，呢個小朋友都好似好開心好好奇咁^^

等左20分鐘, 就可以上課室既WAITING ROOM

上到WAITING ROOM,已經分左5個家庭一齊排一行咁坐~
有個SCREEN係到播緊學校生活~BBB睇得好投入!!哈哈~
老師就派左份野叫家長同小朋友一齊填~!
下!小朋友都要填??
頭兩條係家長填, 揀學校有咩要求, 會著重咩, 另一條就係如果小朋友發脾氣點處理~
下面就有兩個圖, 一個係要畫直線, 一個就係要跟住左邊既圖係右邊畫一次~
其實見到呢個, 我就覺得, 唔係咁都要考小朋友呀麻, 佢地其實得兩歲!!
ANYWAY~我捉住BBB隻手畫左一條線, BBB就已經推開我話要自己畫..
所以我係半引導下, 睇住佢...亂畫!!都叫畫到幾條線, 不過當然唔會直啦~
而下面個圖, 都係一樣~
坐多一陣之後就入課室啦~

一張玩具枱~五個小朋友, 五個老師, 一對一~
BBB好自然就搵左個位坐低玩~老師就開始問佢幾個問題~
叫咩名- 有答, 答中
幾多歲 - 有答
 (之後老師仲同佢玩, 問佢係唔係三歲定兩歲..滴汗...之後問問下BBB都話自己三歲(!) )
性別 - 有答, 答中
之後就轉移問媽媽~
平時邊個照顧? 有咩親子活動?
之後又再問BBB, 今日邊個同佢黎- 有答, 答中
拎隻香蕉比媽媽 - 做到!!

就係咁, 完啦~
泊好椅, 老師送一包餅~BBB見到包餅雙眼發晒光~
大聲講多謝老師!!!!(佢係講多謝老師, 唔係多謝咁簡單, 原來佢識我都唔知...)
再講BYE BYE, 就走啦~

見完獎佢係下面操場個滑梯玩兩下就趕下一場啦~~

上車即開禮物~即食XDDDD 食食下仲瞓埋~~

一直都驚BBB係會唔出聲, 十問九唔應, 識都唔會講既~因為佢係慢熱型...
今次佢既表現出乎左我所想, 所以我好開心~~

PN school life

過左忙到爆既10月..終於都可以停一停, 

不過又要再黎K1面試大作戰~

做人呀媽真係好艱難呀~

bbb正式開學啦=）

係呀bbb係正日生日個日正式開學啦~
呢個小朋友期待左好耐
未正式開學前, 其實媽媽一早已經有比佢自己上playgroup
更係9月份時, 幫佢轉左同返pre n 既playgroup
佢都好enjoy, 仲識到朋友~每日都有好多唔同既野想話我知, 不過未可以表達足出黎~

由於我唔想佢係屋企咁悶, 所以蝕dd學費都安排佢20.10.2014 正式開學啦~
媽媽爸爸都有請假, 帶佢返學~
呢個小朋友超級興奮, 一見到校服就叫住要著,
路程中不停咁講野~就可以知道佢其實有幾期待~
不過由於都係新環境,媽媽都怕佢未一時適應
(雖然月頭時已經返左3日親子班)

結果係...
一去到學校, 就入去拖住老師, 同媽媽byebye!
就係咁啦~第一日, 都有擰轉望下媽媽爸爸~不過無喊呀~

放學都見到媽媽都好開心呀!返學企時都不斷講野...

我個bb已經大個囡啦~佢既表現好定, 媽媽見到真係有鼻子酸一酸呀~!

第二日, 媽媽無請假啦~其實都好擔心, 因為唔知佢會唔會唔開心~
見到爸爸傳來既相片就知擔心都係多餘既~
爸爸仲投訴, 呢個小朋友, 一去到學校見到老師就笑晒拖住入去,
連byebye都唔記得左同爸爸講XDDDD

 

 蝕少少錢比佢早D返學我都覺得值得, 因為bbb真係好enjoy 返學既時刻~

希望以後bbb都可以開心快樂, 呢個係媽媽最想見到的=)

bbb @ 21 months

 媽媽真係好懶...懶到咩都唔想BLOG~!!

本來我覺得自己唔BLOG都會記得架, 點知, 我真係蠢左好多, 仲真係咩記性都無晒~

個人完全衰退咁....................................

所以都係打下BLOG, 希望唔好唔記得BBB成長既點滴~!

所有野其實都同上個月差唔多, 媽媽依然努力令呢個BB可以講多D野同唔好咁怕羞~!

其實佢好鍾意同小朋友玩~!

自己上PG都已經有一段時間, 每次見佢都係開心入去, 開心出黎~!!

呢個SUMMER, 都同佢試左另一間既SUMMER CLASS, 親子班

反而我覺得佢有我係到, 表現係差D, 咩都要搵媽媽~~

無咩特別慶祝, 20號個日咁啱約左契媽們去HIGH TEA~! beyond and above, 一個好地方,

中式HIGH TEA, 食物都好好架=)

 

今個月最叻就係, 刷牙水終於都識得LUR 番出黎啦~之前次次都係飲晒既~!

仲係覺得刷牙好好玩, 所以次次一叫即到!HAHA

每一個小小進步, 媽媽都好欣賞~~

仲未開始出街戒片...應該要點開始呢? 

呢個BB有D潔癖, 試過係婆婆屋企示意要VV, 但唔肯入去..........

Playhouse @ 黃埔

多謝GEN MAMA安排同邀請

                                                             bbb有得去PLAYHOUSE玩

另外要多謝晉媽影相, 唔係我可能無相~!!

個電話真係唔得, 睇黎唔換都唔得啦 (wakakakakak)

Play House 

地址：香港九龍紅磡黃埔花園第十一期聚寶坊商場地下

G28-31號舖
電話：(852) 2330-3567

Website: http://www.playhouse.com.hk/whampoa/chinese/

星期日我地一早返完教堂, 就出發同其他朋友仔食個LUNCH
波哥, 晉晉, 豬脾仲有大爺呀~!
bbb未開始已經瞓左~咁都好, 瞓左一陣玩得仲開心~!

一班人食野好開心, 不過BBB自己走怕羞路線, 媽媽都無佢辦法~!
但當去到PLAYHOUSE, 見到咁多野玩~呢個BB都已經係到大叫~!WAKAKA

我地先比佢試玩SIR 滑梯...
EM...唔知做咩, 呢期玩驚, 坐係上面, 點都唔肯落
之前同佢出去, 以為佢覺得好熱所以唔玩, 點知黎到室內都係咁>.<

媽媽唔放過佢, 扶住佢落黎~!!

之後麻, 呢個人無啦啦又肯玩番啦~!仲玩唔停~

突然愛上波波池~

 

呢個PLAYHOUSE好大好多野玩, 除左波波池, 仲有好多車仔架~!

你睇下晉晉同BBB玩得幾開心先得架~!!

 開始大個, 佢地都會有D交流~不過講咩呢, 媽媽唔知道呀XDDDD

E, 你睇!! (一定係咁啦, 不過晉晉無理BBB, HAHAHAH!)

今次我地仲有個PARTY ROOM, 真係方便晒我地呀~!玩到攰, 可以休息一陣~!
當然唔少得既大合照~~~好開心同大家一齊玩呀 =)

我地呢日算最早到, 但我地係玩到最後個個先走~!!我地係走個時先發現 D 朋友仔原來都走晒啦? ! BBB仲唔捨得走, 仲想玩.....

B 爸都話呢到好玩, 下次我地會再黎架~夏天小朋友放電好地方~!!!WAKAKAKAK

18 months 的野餐照~

歲半的小慶祝~

其實我地一直都無咩個個月慶祝的, 連蛋糕仔都無買過~~

不過見係歲半, 媽媽搵個藉口想去影影相, 留下個紀念!

咩都唔講啦~但一定要多謝波媽~!!!!!!

佢地真係大得好快~~時間亦都好似唔夠用咁~!

媽媽依然好攰, 但頂住, 希望為佢做多DD~

20 months

唔經唔覺，就20個月了，回想當初初生階段的瘋癲，要我再黎多次，我仲未有勇氣面對!
現在應該是進入trouble 2 前最好玩最開心的!!

* 食: 依然一樣，2奶3固加水果小食
早餐: 麥皮，麵包，pancake, 烚蛋
午餐: 都係個d....不過睇得出姐姐花多左dd心機整，加多左唔同種類~
小食: 粟米，餅，包
晚餐: 同午餐無分別
水果: 咩都食，bbb係水果王，除左榴槤佢唔問，其他既佢見到都好興奮的

* 開始擔心佢懶，唔肯自己食，反覆諗，我覺得係因為佢食既野太悶了，悶到都無興趣自己食，但如果餵佢，佢又食晒架喎~.~

*仲未開始大人食物，媽媽認為仲有好多選擇同烹調方法可以試，況且佢食開的咁悶!

*今個月終於都比左小童果汁佢飲，哈哈!bbb要多謝波媽啦，因為媽媽從來都無買過, 唔係波媽請佢飲，係佢既世界依然只得水!

講起呢樣，其實因為當初我怕bbb唔鍾意飲水，所以我堅拒所有其他味道的飲品，希望佢養成一個好的飲水習慣先，確實，bbb現在好歡喜飲水的!

* 自理

*戒片片-係屋企基本上都無問題，我地已經開始唔駛成日問住佢要唔要vv, 佢會主動同我地講vv的! 瞓覺就仲未開始，佢明明vv完先瞓，起身條片都可以有8成滿!

*除左屋企的廁所/potty, 其他地方(包括嫲嫲同婆婆屋企)佢都唔肯去，潔癖(!!!)，我都無計，唔迫得住

*佢知道自己拎完我既野玩完會主動放番原位~

* 玩具都肯執，不過未做到主動執好晒全部!

*學習

*依家未開始認字。。。係我地懶既，一個未到兩歲小朋友就要認生字，我仲懷疑緊其實佢地係咪真係知係咩呢?應用係咪應該更重要?我仲好迷網~

*認物件-基本上我都係以生活開始，見到咩講咩，食咩都話佢知咁

*入形狀-上個月見佢玩都仲係亂入，今個月已經睇得出佢係識得入了，屋企有一個4個形狀的，都有個12個形狀的~

*講野
爸爸，媽媽，婆婆，公公，嫲嫲，爺爺，mi 姨，伯伯，叔叔，姐姐，哥哥，比比，碧碧

包包，貓，wow, 提子，白白豬，覺覺，汁汁,筆筆, 鴨鴨, 比，

Hi, Byebye, rice, nice, wash, apple,  nana(banana), auntie, go, yes, no, horse, eyes, nose, mouth, ears, bag, pig

開始左早晚刷牙~佢好開心晚晚我同佢一齊刷牙既時間~媽媽都好開心可以睇到你的成長!

 難得放平日, 帶左呢個鄉下妹去坐天星小輪~等船中, 佢好開心咁周圍指叫船呀, 船呀~~~

 bb 依然係佢既一切~~有一朝仲要自己放bb入去件衫到 XDDDDD

bbb的*bb*

bbb一直都男仔頭!鍾意的玩具都係波，車為多~ 媽媽都經常想用公仔引開佢對車既注意力，但一直都不成功~

直至最近，真係突然到我唔發覺，佢攬住左'bb' 全日~ 'bb' 其實只係佢個袋個隻公仔，其他我買的，一隻都睇唔上眼~

事件一) 就係咁，佢愛上了bb, 出街都要帶埋bb!我初初都低估左佢對bb的熱愛，直至到有一次我帶佢出街，勁趕時間，叫佢拿拿聲去坐低著鞋。。就係佢行緊去坐低前，佢跌左bb落地! 媽媽我當然係叫佢快d執番著鞋啦，點知。。。佢執起bb, 個樣勁可憐咁摸住bb，意思就係bb跌親好痛!佢主動錫返bb, (而我個刻都仲未醒覺，只係叫佢快d著鞋)， bbb係比bb我要我錫番先肯坐低，哈哈哈哈!個一刻其實真係好好笑~我有諗過拎相機影佢，不過如果再影真係好無視bbb既感覺(媽媽終於都醒啦XD) 我的bb真的長大了~

事件二) 依家出街，換好晒衫，bbb係會去搵bb放落我個袋到，無論去上playgroup定去街! 即使上完堂，見到我，鞋都未著就係問我bb係邊! 有一次坐巴士，佢仲要bb都坐，當然bb坐唔穩，最後佢扶住bb坐左大半程車!

 事件三) 瞓覺佢唔會攬bb瞓的，不過就一定要陪瞓~有次去完街，未返到屋企就瞓左，所以我地都無為意要拎埋bb入房，直至半夜，bbb無啦啦醒左爆喊，抱又唔係，tum又唔係，原來係要bb!!拎番bb比佢，就收聲再瞓!

玩都要袋住bb一齊...哈哈!!

 

仲識得幫佢cum被~

不知不覺，我的bb長大了很多，笑料百出，但脾氣好臭。。當然媽媽係唔會就範，不過working mum的我可以點呢?

19 months

時間過得真快，我都懶左好耐無update過bbb, 其實應該係話，自搬blog後都無再update過
(哈哈!連blog都唔係我自己搬架，好在個時木木未出世，唔係木木媽邊有時間幫我攪，keekee! >3< 錫晒木木媽)

呢個月的bbb進步得好多，有太多野值得我去紀念下~

食:
2奶3固，加水果小食
早餐: 飽，麥皮，pancake，烚蛋
午餐: 飯，粥，麵
晚餐: 飯，粥，麵
(款式唔多，因為始終都係工人姐姐煮，重點係，bbb都無say no...em!)

*食呢方面，我無太大的擔心，bbb都算好鍾意食!基本上比咩佢食都好開心

*未開始比大人食物，佢既然食咩都無咩大問題時，我唔想咁早引入, 或者等佢食到悶時先開始?我都未知。。。

*不過出街食飯，都會比下飽，海綿蛋糕佢一齊食下，依家見到佢食得既野會發狂地叫mum mum，會指住示意佢都有份食!

自理:
基本上大部份既指令，bbb都會做，執玩具，爸爸要睇電視會去拎搖控比爸爸，換左既片會自己掉去垃圾桶，拍好學習椅，將物件放好原位，見到婆婆會主動叫婆婆，等等

*已經自己食飯，當然啦，呢個懶bbb係會食到一半比隻匙叫你餵佢~姐姐係一定會出手，不過唔急得既，要等佢慢慢學習!

*出街我都會比佢自己食，最多就係幫人清潔番個地下~

學習:
我地無教過生字，都無諗住咁早迫佢，可以話我懶，但我希望自己會比較注重品德同自理，所以bbb暫是都在玩樂中開心學習~

*早兩個月前，已經識得晒指眼耳口鼻頭手腳，等等。估唔到N班面試都要考，真係要咁深?

*最叻就係見到貓叫'meow'，見到狗叫'wow', 佢係好鍾意貓既，可能因為屋企有貓貓，呢個bb大膽到係台灣貓村時追貓~

*新年時見到周圍都係馬，都係叫'wow',教左好多次都係叫'wow'，直至到唔知幾時，佢突然自己叫'馬'

神奇事件:
事件1*已經成功地戒左奶咀!!!

事情發生係我地復活節台灣之旅後
《本身bbb只是要瞓覺時才會問我地拎奶咀，但旅行期間，佢7成時間都要食住(!!!!)》
工人姐姐覺得佢嚴重地依賴奶咀，所以就提意幫佢戒。就係呢個對話後的朝早，姐姐剪爛左bbb的奶咀比番佢，佢無喊，只係揸住個爛咀係咁mum mum mum mum, 當然佢有試放入口，唔同左，佢只係用好奇怪的神情問我地，我地好一致地答佢爛左lu~

我地最擔心佢瞓覺時發癲，結果係無，佢有問拎奶咀，我地亦答佢無左啦，爛左~咁佢就瞓啦，比平時碌耐左先瞓得著，但無癲喊過~就係咁，就戒左!!

神奇事件2*戒片片
屎片其實好細時已經戒左，佢同工人姐姐的默契，所以好快已經成功，但都有麻煩既，就係去旅行要帶埋佢塊小童廁板
至於vv, 上星期開始，開始頭兩日當然會有忍唔住vv左係地下，但次數唔多，直至第四日，姐姐話我知，佢已經識得自己走去potty坐底，不過唔識除褲，哈哈哈哈~第五日，已經係叫你去potty, 示意要vv,就係咁，呢幾日已經無再尿濕褲仔了~

送上bbb的近照一張，我會比心機update blog架啦