2009話咁快就過了..
今年..時間過得好快..快到自己都唔覺..
今年都發生左好多既事..
年頭由book教堂開始了..
一整年都係攪結婚事, 順利的, 不順利的都有..
最唔順利的就係5月..
半邊面疸左...婚紗相都要改期..
令我更知道保住自己健康的重要!
2010
我相信一定比09更精彩
迎接一個新身份
迎接這新身份既新挑戰....
倒數1個月了..
心情仲未識得緊張..
只係緊張自己"aunite"會唔會 "準時" 到...哈哈哈哈哈
everybody, Happy new year Laaaaaaaaaaaaaaaaaa
see u in 2010!
唔知我既big day 會唔會見到你地呢?
終於都整晒d帖啦...(我個part..哈哈!mr b仲做緊最後加工, 痴對中國button上d帖到...)
其實我地一早已經將整好晒個d比晒兩邊媽咪, 只係差我地自己比朋友個d未ready呢...
哈哈~不過我地都係懶個d朋友黎架啦....懶住懶住咁整...唔到最後個一刻知道要派都唔去攪呢...
不過..我已經好滿足呢, 因為係我同mr b一齊整好佢既..唔係得我自己架..
好!即share下我地個baby啦...
封面, 之前都講過呢對中國button, 我媽咪話唔講仲以為呢張帖本身已經有呢...即係好襯..哈哈哈哈
好啦..打開...
我整左張牛油紙, 癡住係條邊邊到...
上面印左我自己整既 "囍" 印...
有次上paper art..個個姐姐仲教我上色..
就係咁, 我印完, 仲油油油油左成300張~.~
yeah!!!攪掂啦...
有齊晒所有野...希望收到既人, 比多1分鐘望下, 我都已經好開心架啦~~~~~~~~~~~~~~
其實未開始派帖, 我已經唔係好想派..
可能已經覺得好煩呢~.~
好耐冇update tim...可能有d lost...
同一時間要handle咁多既野, 真係唔易.......
diy左好幾樣野..都未得閒blog...
好~今日share 下我自己diy比自己既pearl set..
我好鐘意pearl架..不過, 真個d真係唔平......之後又未必會成日都用得到...所以, 平平地好了...
我買左水晶珠..都幾ok架^^
一set有齊頸鍊, 手鍊同耳環~
本來只係整頸鍊既...整完, 又覺得好好玩...所以整埋手鍊一set...我特登買番同樣既花花扣..
仲要買到個細dd, 襯番手鍊呢~
近睇....都睇到大約耳環...都係簡簡單單...加多左個閃閃圈~
我只係整左呢個簡單既款.....因為我覺得咁已經好夠啦...heehee~~~~~~
i'm loving it~
又ko左幾樣野了..花球已經confirm好咩款啦...
一直都3心兩意, 諗黎諗去~
好啦, 依家決定左, 唔駛諗咁多..
不過, 原來我想要個個...要加錢..
woo...咁又比多左200...諗都冇諗..
可能真係到呢個時間, 洗錢都冇時間諗下好唔好lu~
今日lunch個時, 去左搵auntie做婚介...
有佢地幫我整, 真係唔駛擔心~
佢地話幫我搵d靚既碎石啦..哈哈哈!
同時間, 我都叫auntie幫我整多個吊咀比我媽咪
我屋企..唔係d咩富裕家庭
細個既時間好d既, 因為個時媽咪係做生意既, 我地都總算住過大dd既屋..要咩有咩~
不過自我f.5個年..媽咪既生意唔得了..唔可以再做落去..
咁佢就決定做番個家庭主婦..照顧我同妹妹..
就係呢個時候..發現自己個腦有個榴, 個時真係嚇死我, 我冇諗過媽咪一多番d時間陪我地, 就有事了..
好在有天父既照顧..媽咪手術好成功, 身體都漸漸地康復
可是, 短時間都唔可以返工..因為做過呢個腦手術之後, 佢身體既機能都冇以前咁好了...
屋企只有爸爸既收入..總算係過了呢段幾難過既時間..
當然啦, 我讀完書出黎, 好左好多..因為我都有份照顧屋企架麻...哈哈!
我地屋企好樸素..不過我地屋企人既關係比起以前好好多...
呢樣真係好感恩呢..
一直我都以為媽咪唔會介意樸素呢...直至我結婚, 佢要諗著咩衫..同埋手飾問題..
因為我未來奶奶有好多靚手飾..多到有d都仲未帶過...
當然啦, 佢都有叫我揀番d結婚個日帶, 就唔駛帶"豬二星"啦~~
我將呢樣野話左比媽咪知...佢好開心奶奶都算錫我..同埋我都有d野帶下唔駛煩..
不過睇到佢個樣, 就知道佢心入面諗..咁佢點算呢?
其實做女既我真係好冇用..唔可以比到d咩媽咪..
所以我同mr b講左呢件事時, 我地都二口同聲話, 將本來諗住買/租我d手飾既錢, 係我auntie到整番個吊咀比媽咪
今日..我揀左個好野...個款都幾好架...heehee~
雖然係碎石款, 不過加加埋埋都有成卡既份量
希望媽咪收到會開心啦..
就當係個女同未來女婿送比佢既禮物~多謝佢照顧得我咁好..>u<
真正倒數2個月..
原來我真係仲有好多d零碎既野冇做....=.=
不過咁...我依家個心態就係整到幾多得幾多啦....
最緊要係我自己開心, 唔好太辛苦!!
帖個d, 已經進入最後階段啦, 今個星期我地可以將d野組件咁集合埋一齊...
過大禮前會攪掂至少一半以上呢..可以咁, 我已經好開心呢...
因為張帖既每一part我都花左好多心思同時間..
最緊要係個過程我同mr b既合作, 我地已經賺左好多呢~
至於靚唔靚呢...我地覺得靚就得啦
根本就唔可以滿足晒所有既人..
其中一part, 利士封..
呢個item, 真係好多波折..
由比mr b話我個隻唔係雀開始..
到買過晒d紙再整過...到進入最後既完成階段比dadi笑..
我好快決定過要整過晒, 去買紙, 整模~
上星期, 我已經好快手咁...
自己雕埋d印, 印好晒300個了...
我開心架..因為係我整既~heehee!
整左番黎先要摺左先~
之後再癡左條邊邊
前面: 我自己整左個囍, 加左2隻雀入去......個邊邊係襯番我帖內文個條邊架...唔知收個d人會唔會留意到....不過我自己知..哈哈哈哈
呢個係後面個印呀...我用左透明既embossing powder呢.....我自己好滿意..哈哈哈
唔好講笑, 呢個咁簡單既item, 估唔到係最多波折...我會好好珍惜呢...
仲有2個月...我地最近都加快左diy..
church invitation終於都整好晒......呢個item好早已經攪...
都唔知攪咩攪咁耐先完成..
anyway..只係一張好簡單既invitation..不過充滿左我地既心血...我地自己好鐘意!
面: cuttlebug都係用左bird folder, 全部都係mr b做呢一part架...佢都有出力呢...好勁!
cuttlebug左之後就係我加上印印既時候啦......名個part我揀用毛毛....
毛毛名:well.....如果有得由頭再揀, 我一定唔會揀用毛毛...因為花既時間多好多...同埋, 整得唔好既機會都大好多..仲要比媽咪話覺得毛毛唔靚....
算..我自己鐘意就得啦..唔整都整晒啦...finally!哈哈哈
日子..我用左銀色embossing powder...heehee
個印, 我係跟住個個位既弧形去整架..所以我覺得好fit!
之後仲加埋珠珠~
後面...就係我地個內頁...之前印晒出黎....
要壓番幾條線先....
之後先再癡落張咭到...呢一part都用幾多時間..因為唔係成張癡..只係癡個3條邊, 做成一個活動既folder咁...
為左入埋張mapcard去入面...
我特登內文頁整短d架..咁個map card就可以突出黎....
我再係map card個個邊到加多個印......
就係咁......攪掂......
唔好講笑, 佢個樣只係好simple..不過個過程都好艱辛呢.....
但係咁...我地一齊整既野, 我覺得好開心同埋好滿足呢...~
仲有2個月, 我就嫁了...
最近我係到plan緊d野點搬去新居..確確實實有離開屋企既感覺
其實買左樓之後, 我地weekend都係係新屋度過...已經離開左屋企一半架啦..
大大話話, 咁既生活都已經有成年..
只係咩都未要搬晒過去, 都未有太大既感受!
過大禮個日mr b 大哥同二哥都會揸車去我到..
就係咁, 我諗住個一日pack好2喼, 走個時可以可以車返去新居個邊...
呢2日媽咪都有講下...個時自己覺得心酸酸..媽咪仲有同我講下我嫁左之後我間房點安排..
聽到唔係唔開心, 只係覺得原來我真係大個女, 要搬離屋企lu~
我冇擔心我唔會適應..只係我會懷念返到屋企聽媽咪講佢既烏龍事....哈哈!!
我唔算得上係一個好孝順既乖女, 不過隨著年紀, 更加懂得珍惜與屋企人相處既時間~
i love u mami~
原來我10日冇update過..
太忙...可能係...
呢10日, 日日都做唔同既野, 想快d可以完成呢..
body check, 終於都做左..
姑娘仲同mr b講..
你身高:188cm, 體重 : xx kg
係屬於一級肥胖..
mr b: 下.........
姑娘: 係呀, 我地叫呢d做一級肥豬!!!要減20磅先得啦~
哈哈哈哈哈哈哈哈哈哈哈哈哈哈哈哈哈!!!
US visa
今朝一早, 同mr b一齊去左apply..真係呢..好多人等呀!
不過我地都算好快同好順利攪掂..
依家真係可以講, us, we're coming!
油畫..終於都有定案了..
就係呢一張...
我自己覺得成幅poster咁呀!
我地就係鐘意咁...太過standard既油畫, 我都真係麻麻....
所以攪左咁耐都仲未可以confirm到..
呢一張, 就係因為ip排既album, 比到idea我地...
就係咁...本身既24" x 30" 既油畫, 我地乖乖地比錢做成20" x 40"
諗起我地間房結婚後有呢張相出現, 我就覺得開心啦...heehee~
最近都係diy 帖既item...
我好快會share下我church invitation架啦..因為我已經整晒..yeah!
又係油畫??????
係...冇錯...因為上次到最後..都係未決定既....
好似決定左, 但又好怕自己後悔....
不過今次....都已經決定左係只會係呢2張到揀...
其實係差唔多架咋......之前一直都冇諗過揀右面個張..因為個orignnal係全身相, 所以個頭好細.....真係咩都睇唔到架....
點知, 係睇album layout時, 佢地crop左出黎...放大左...
e??咁咪即係可以揀呢張囉??
所以....又諗又諗~~~~~~
我既honeymoon熱潮仲未減退
哈哈哈!!
係攪honeymoon之前, 一路都係搵緊有冇d好平既地方再影多一輯pre-wedding...
因為..我真係好想影多次!!
其實ip個輯都已經好夠......不過人就係咁貪心架啦....想影多一輯唔同feel既...
見到有咁多人都有朋友幫佢地影pre-wedding..點解我地2個身邊一個呢d朋友都冇架呢??how come?
心郁郁...
直至我地決定honeymoon地方...呢件事可以暫時放埋一邊了~~
因為我好唔得閒咁, 搵野book野....呵呵呵
機票
hk-las vegas confirmed
los angeles - orlando confirmed
orlando - hk confirmed
酒店
las vegas 2 nights confirmed
最後都係揀左stratosphere, 加埋早餐連tax都係us$100 in total...
room type係premier, 都ok啦, 佢話08年summer個時 furnished 過既...
講真, 我諗我地都係出街玩既時間多過係hotel room...所以d錢留番黎食餐勁既仲好~
las vegas 好多酒店, 有平有貴...唔係要揀d好名牌既hotel, 真係勁平呢...
咁既價錢, 澳門都住唔到啦.....
los angeles 1 night confirmed
downtown marriot, 揀呢間係因為有朋友既cooperate rate, 同埋, 夠近球場, 唔駛坐好耐車可以去staples center睇nba~
orlando 5 nights confirmed
都係揀左marroit 既 fairfield inn...又係朋友cooperate rate!
佢最吸引既地方係...佢係係universal studio對面...即係行過去可以入場玩啦...heehee
咁慳唔少時間呀麻..
酒店呢一part, 真係唔貴呀..仲好抵..當然..因為有cooperate rate平左, 但係比起我地去玩既tickets, d價錢冇得比!!
酒店慳到既錢都唔夠買2張nba ticket>.<
nba tickets 半 confirmed
呢2張飛就貴lu...
可能係因為我地揀個場係d熱門既球隊啦....所以, d黃牛最平都已經係us$130 / ticket
仲要.......個d公司要比好貴既service charge..
真係有諗過唔睇...不過去得美國, 又係mr b最鐘意既...
貴就貴啦..!因為我信我地一定會睇得好開心架..哈哈哈!
pending item
grand canyon package - 入唔入去skywalk好呢? 其實我本來好想架...
不過知道原來行入去唔比帶相機..要影相呢, 有人會同你影, 之後要比錢買..
知道係咁...真係覺得有d唔抵啦.................呢個仲諗緊...
greyhound bus ticket from lv to la
呢個我都check左啦, 可以月尾 or 12月頭先book...
universal studio ticket
我琴日睇到, 佢依家有offer個2day unlimted park 既ticket, 都係us$99,仲要係fast pass.. 算係咁啦..因為disney個d真係有d貴啦...
我地又要住得咁近..真係可以一早玩到佢收呀!
disneyworld ticket
仲搵緊有冇d平d既 day pass....我睇過, 佢1日既pass已經係universal studio既2day fast pass價..
貴..不過點都會去.....
honeymoon呢個task可以話攪好左個殼架啦...
之後個d小item留番過埋大禮先攪埋佢~
雖然我上星期..個心已經飛左去honeymoon..
不過我都真係有比心機安排結婚野架...heehee^^
伴娘裙
星期一個晚, 同左伴娘小姐去百利到揀伴娘裙
其實百利呢....well =.=
有d鋪見到又多人..又細...我地都冇心機入去..
仲有..一條裙係唔同既鋪到見個價可以有好大既分別..
起初伴娘睇中左一條..第一間980, 第二間我地又見到, 一問 780...心已經嘩一聲...
最後, 我都係帶番佢去我買黎影pre-wedding短裙個間, 因為我買個條, so far真係冇咩地方見過, 同埋, d紗真係好soft好靚..
個老闆娘, 一見就認得我~~heehee~我地都係佢呢到見到之前睇中個條...老闆娘開左個友情價比我 - 550!
不過佢之後同我地講, 叫我地唔好揀, 個條咁common, 周圍都有...佢介紹左2條, 佢話係靚料同埋自己design呢...
雖然都係好簡單既裙, 不過個料又好似真係舒服d啦...貴dd啦..不過最緊要個效果好呢..
伴娘一試, 即話好鐘意...
ok, 比錢!!
擬結婚通知書
星期六個日, 一早同左mr b去左攪啦...
預約左9點, 一早填好埋份form先去......好快已經攪掂!
姊妹裙
星期六都約左其中3個姊妹去百行confirm姊妹裙
睇黎睇去...最後都係揀左3樓個間啦.."姊妹裙專門店"
我只係揀色揀料...
初初我真係都想揀銀色架..不過又真係好麻麻地呢..
所以最後都係揀番米白啦...諗住加d銀色野上去都ok麻...
經姊妹們試試睇睇..最後都成功揀左料..
之後叫佢地揀款...唔知係唔係因為個隻料冇咩款揀, 佢地3個竟然最後都決定左, 不如全部人一樣款, 自己再diy dd去改一改條裙既details...
我聽到好開心..因為佢地都話一樣款影相靚d...
而佢地都好有心地係到諗話可以自己改一改d 野, 令到條裙personalized d...
就係咁, 好快, 我都比晒錢~~~~~~
等埋下兩個星期其他姊妹去度身就ok啦..
希望大家都開心啦!!
龍鳳床上用品
星期日同媽咪去完church, mr b都出左黎諗住join我去婚展..
點知媽咪話佢睇左成個week既龍鳳被, 想我地一齊去睇下揀下啦
講真, 雅芳亭既wedding series....冇睇相咁靚呢...仲要貴咁多..
我真係唔捨得, 媽咪都話唔值架...不過如果我地鐘意既都會買比我地啦
媽咪話佢呢個week, 日日都去jusco到睇下有冇其他款arm我地,
就係比佢睇到有一款係普通set都ok...之後一定會用得番...
仲要係......平4倍!!!!!!!!!!!
我地揀左king size一set都係$489..太好了...
之後仲買左2個pillow, 佢地做緊減價...全部加埋都係7百幾...真係半套wedding series都未買到呀!
婚展
今次係買餅咭 + haagen dazs coupon
好快攪掂!!
又完成一樣
之後就係睇租車..
well..間間都唔係太合心水, 感覺唔太好..
所以都係決定番用強記旅運...
租大車平d...同埋佢地d車真係好good!!!架架都一樣都係purple架呢..睇落去開心d呀麻..
夠晒eye catching, d人一定唔會上錯車啦咁^o^
睇婚介
其實我地一早已經target左去shoebridge到睇架啦, 因為之前我地已經上網睇中左
今次, 緊係去試下帶上手好唔好睇啦...
試左...覺得太幼..唔太prefer..佢有得造粗d..報左價都好似好合理喎..
即打比我auntie..同佢講晒個details, 石有幾多分等等...
heehee..緊係我auntie個到平好多啦...平成4k.....咁再整好d都得啦...
所以呢一part都可以話ok啦..
遲d會搵佢試size就開始整啦........................yeahyeah
花球
呢個呢...一早揀好左想join卉豐..
點知佢冇擺今次expo..
冇計啦..咁我只好下星期日去佢門市到join啦...
今個week總算完成左好多野....
呢排太多野要做...攪到個人好似冇咩記性咁啦...哈哈~依家攪擱掂咁多樣..
咁都放心dd....之後就可以全力diy 呢~
nba tickets
今日都已經揀定左....貴dd就貴dd啦..真係估唔到仲要收service charge, 好在佢offer我free shipping...
不過free shipping都係 us only...
anyway...依家攪掂左就可以book酒店啦~~
膽大大...就係....我地已經比左錢去us既機票啦..
係未拎visa既情況下, 我地咩都唔理, 已經比左錢confirm左去同返個程機..
都唔好話唔驚~~~heehee^^
不過我諗都冇咩既....皆因都係女仔難拎d, 不過我又因為工作關係, 係唔會有d咩問題..
有公司信就可以了...
如無意外..下星期收到公司信, 就會預約去見~~
講番今次us既行程..
好緊密呢~~
我地已經confirm左, 先到vegas2日...再落LA睇nba, 再飛orlando, 入住disney5日到..再到mr b二叔家玩番3日
去同返既機位已confirm, 不過仲未買內陸機...想等mr b買左nba飛先..
因為買唔到, 個行程就會有變呢~
大峽谷既local tour都睇左, 落la個程既greyhound巴士都已經check埋........總之nba一ok, 就會book 酒店, 買內陸機ticket, book 巴士.......真係未出發依家已經好興奮呀!!
至於orlando disney住邊仲未睇...不過已經confirm左可以到二叔家玩啦~~
未來二嬸係美國人..佢地屋企好近daytona beach...
諗起都開心呢...佢仲話帶我地去玩多d ourdoor activities呢...
我地今次既行程...真係會好豐富~有靜, 有動, 有買野, 有睇野, 有玩, 有relax
vegas 酒店我已經shortlist左兩間...仲諗緊邊間好...
orlando個到呢..........咩都未firm
攪到我最近呢....成日都掛住攪honeymoon, 冇心機diy~
快d去honeymoon就好了...........
最近真係懶得blog...
不過我冇偷懶diy呢...
日日都唔停手架..heehee^^
都係主要focus係帖既item到先...因為攪唔掂呢樣, 一定有排比人煩架...
自上次我地決定左自己print帖內文之後, 都冇懶過起draft, 試print
proofread..
終於..............都攪掂左了...
我地成功快手地print好帖既內文 + church invitation 既內文...
呢張係帖既內文~~我加左個紅紅地色既花邊...襯番張帖既style~
我自己就覺得好襯啦...哈哈哈!!
仲有church invitation 既內文...
之後仲要加工呢.....
diy既野...其實都真係幾麻煩....
不過我覺得自己慳到錢, 同埋有係我鐘意既野..即刻覺得抵晒呀~~
呢兩個星期...太多野變化, 太多野要去take care..
攪到..我連自己都未能照顧.......
利是封呢個item, 一早已經開始左....
由肥鴨開始...再變身為靚雀...已經用多左好多時間重做..
一早已經印好晒d印, 只係仲未做最後貼埋個個steps
估唔到既係..
上星期, 如常返到屋企continue呢個item時, 我dadi竟然冇啦啦講...
[ 不如你買過d利是封用啦, 最多我比錢 ] ...聽到之後, 我冇出聲..雖然佢係帶笑講出口, 我媽咪都話可以唔駛理會..
不過...dadi好少係我wedding上既野到出聱, 佢講得, 咁應該即係佢都真係幾唔滿意既..
我唔出聲, 只係因為我係到諗, 係唔係真係咁差呢...
咁諗多幾諗...
又真係好似唔係太得體既..
我比自己d朋友就話姐...我諗下dadi 比佢老闆, 朋友個時, 人地會點呢..
仲有...就係我dadi都話唔ok, 咁我奶奶又會點諗呢..
依家要改都仲改到, 唔係既...到真正要派個時先知...就真係咩都做唔到啦..
所以..
我係呢件事發生既第二日lunch, 就去左整個刀模, 買好紙, 交埋去...
佢地好快手, 2日就可以起到貨啦, 而依家個成品係咁既...
佢個刀模價係連埋cut既, 佢話最多cut 1000個, 咁我緊係買紙買到盡啦...咁之後多左個d, 新年可以用到..或者睇下有冇其他人想要咁啦....
我係yellow lover..所以點都要買d黃色紙整番d滿足我自己~~哈哈!!
我諗住整番個印, 印上去啦....不過仲未諗到個圖係點...
太多既變化, 太多野要我去解決..........腦實到用唔到啦~~~~~~~~~
希望自己快手d攪掂d野啦...........>.<
