IP pre-wedding 預備!!!!!!!!

呢幾日都係到忙星期四影pre-wedding既野......

我個人就係咁架啦, 成日都臨急抱佛腳.....d野唔到最後個一刻都唔做...

一早諗好晒d deco 野, 都係今個weekend先黎買料整....well..算啦, 呢個可能係我地既生活方式~~哈哈

星期六....先同自己整左gel nail先.........
早d整, 有d咩唔得, 仲有幾日時間比我補補~

今次算係咁架啦整得...到依家都冇咩問題.......唔敢整咁長啦....怕到時影影下相我太粗魯整斷左一隻, 咁都唔知點算呀~~~~到時真係笑唔出都似呀.......

 

星期日...carmen打比我..叫我再上去試多次件eg, 同埋拎埋..唔駛我地聽日咁趕...佢真係好好呢.......講真...人地又唔係賺我好多錢.....都次次因應我既要求去改件衫....仲想點呢, 真係好感謝佢架.....

佢仲同我講, 我影完之後....幫我加閃件衫, 等我big day個日著時有多d野睇啦.....

 

仲有樣大慒野........就係....我竟然上星期五先醒起我冇預備鞋襯我個件黃色eg............
真係.............慒成成咁呀~~仲諗住去sauvignon 訂一對.....遲遲都未去....人地都比唔到我啦.....放棄了唯有~!

所以......lunch個時, 出左去公司附近個2間造鞋既shop到睇下啦......
點知....又真係得喎, 可以比我星期二有得拎....咁就好了

訂左一對3吋半的....簡單銀色好了...襯衫易d...

今日, 終於都拎左番黎啦...

 

preparation check list

1. birdcage veil - DONE

2. veil - DONE

3. EG shoes - DONE

4. paper aeroplane - 未整完

5. 相片加工 - 未整完

6. 哈哈笑 - 未整

7. Mr B 恤衫改衫褸 - 未整

8. 閃閃星decoration - 未整

應該係咁多啦........應該冇啦掛~~睇怕今晚要開夜車..............

聽晚入南Y島了...哈哈!又緊張又期待又擔心....

 

希望有好天氣~~唔落雨已滿足...有陽光會更好~~嘻!

pre-wedding 準備 - 小小surprise ^^

仲有一個星期, 就要影我地第二輯既pre-wedding了..
今次話晒係比錢join 既, 點都會落力d啦....

我地只會係南Y島影.....所以一早都已經係南Y島租左一間渡假屋..可以換衫化妝, 而且仲可以影一D生活照呢......

我地決定地點之後......攝影師呀威都有提過我地...睇下會唔會自己整D tee 同decorate間屋...到時影出黎會靚d, personalise d咁啦..

一直我地都有諗帶d咩去影架....不過至於佢講既 tee, 我地好似唔記得左有件咁既事...一路都冇傾同埋冇話去買........

到左琴晚, 我返到sweet home之後......................
mr b 竟然問我呢件事喎......我仲話一係....我地出去買2件白tee, 之後我自己整d印, 印上去啦......都應該整得切既...

 

 

點知...我一打開衣櫃....就見到

好得意, 笑得好開心既 "哈哈笑"

後面就係哈皮哥寶....(happy couple)

估唔到原來mr. b一早已經諗左呢一樣野...仲去訂埋...對於我黎講係一個大surprise...以為佢唔上心.....原來佢句句都有聽在心的.....

真係好開心呀.......

雖然如果比我諗, 我唔會整d 咁colourful 既design....不過就係因為佢份心意..我好鐘意呢兩件tee呢.....加上, 我地2個就係成日都嘻嘻哈哈既人...襯晒我地呀......

好meaningful 呢, 因為我地要做一對happy couple 呀.....

 

 

 

哈皮其實都係源自mr b 既鬼主意啦..
就係佢今年送比我最後單身的生日咭.....

都係佢親手整呢....手工唔係最好..不過係我心中已經係the best.......
呀....透露左我個年齡出黎tim.....shu, 唔好話比人知呀...哈哈哈哈!

絲花 @ 太源街

前日唔駛返公司...上完堂之後就去左太源街了..

當然就係搵blog友講個間絲花啦.....

好快已經搵到.....佢都算有幾多款啦..........價錢都一般啦..唔係特別平....不過都比起好多地方算係差唔多...

起初我自己慢慢睇既, 之後老闆娘蔡太走過黎問我想要d咩...介紹下比我...蔡太真係好nice..佢係咁幫我襯花...又問我鐘意d咩, 盡量搵比我...

到比錢時.....唔記得身上唔夠錢.....
咁我就同蔡太講, 唔好意思, 唔夠錢...我諗住同佢講我去禁完返黎比啦...
點知...我未講, 佢已經話唔夠既, 下次經過先比番佢........下.........我有冇聽錯.?!
當然我都好堅持地話, 唔緊要, 我依家即出出面禁啦, 叫佢pack定等我....

禁完之後返去........我比錢....蔡太話都叫佢下次先比架啦....我就話, 做生意既...唔好既...同埋我都怕我自己唔安樂啦...........

佢實在太好人了...估唔到仲有d咁nice既人..

大家如果去買絲花既...可以去下佢到睇下呀~!!

 

試衫 II

朋友終於都比番個日試衫D相我了.....

後面...

前面...姊妹小姐係到同我收埋緊個條腰帶呀....

 

後面個花花...條腰帶係carmen比我試下咁好唔好睇......大家都話冇好d啦...所以都冇要到啦~

 

到黃色晚裝....都係我自己搵款係carmen到造既......我仲會帶埋去影我第二輯既pre-wedding...

 

前面...

 

後面....

 

黃色衫上面既花花係臨時扣住先架姐....因為我太趕先去造..carmen話d花未整得切..但都想我試左件衫先...所以個花花又要再等等啦......

 

好野....攪掂2件.........
之後個d, 遲下先再諗下點啦~~~~~

試衫....

今個weekend, 繼續埋頭苦幹我的頭紗........好快完成架啦.......我諗...哈哈

琴日爸爸節...
我地一家人去唱k...........哈哈哈~~
其實都幾搞笑啦..
mr b 起初聽到我地最後決定左去唱k, 都呆了.........
不過呢個係我dadi mami 決定既.......就冇計啦...一齊去玩下啦..
果然...十分開心呢~

係去唱k前, 我都去左試我件婚紗同埋黃色晚裝啦~
婚紗係3個月前已經開始造架了..
一直都話要搵full lace gown既...不過後來.....mami話要ball gown先夠好...
所以依家都係上身lace..下身揀左用紗, 因為full lace仲要ball gown style..真係會too much呢~
終於琴日都見到成品, 有得試了....~!!!!

4呎拖尾ball gown 婚紗..........都比預期的好....就係我想要既簡簡單單~

至於黃色晚裝更得到各朋友既好評呢~自己都好滿意

好早前, 上網搵好晒資料..搵左好多間..
諗住先去睇一d平d既先, 到之後去d貴既就比較到....
點知.....第一間諗住陪朋友去試...但我都乖乖地比錢join左.......可能就係因為mr b 話揀唔到, 可以造租麻........
一早揀呢一間婚紗鋪時...其實都唔係太想...好怕我揀唔到現成的衫租..又怕even佢造出黎既野唔好.....................比左錢.....自己唔開心左成個week, 不停咁諗......
我mami見到我咁, 主動話陪我上去, 睇下d衫cutting, 手工得唔得...
去左之後...mami話以佢既價錢做到咁...其實真係好超值呢...況且款唔arm可以造租麻~總算放下左心頭大石!
不過....我真係唔想用太多錢係衫呢個item呢...,而且老闆娘carmen真係好好人....所以就冇再搵其他租衫了~~

budget有限...寧願用多d錢揀個化得我靚d 既mua~

我們的 "囍" 印

個圖畫好左咁耐都未動工...

經過幾日苦工...終於整好了...

而且仲諗到印係帖到...不過未試....試左再post啦~~~

睇住個成品先....手工係麻麻地架啦....冇計, 我唔係大師(夢遊小熊)....

 

 

 

 

 

 

比起mrs cocoa bean, dor dor, 菲比尋常 等等diy queen,

我既作品只係小學生勞作一樣而已..

不過自己開心就可以了, 因為我盡了力架啦~

自己會為自己做的而開心...

pre-wedding - 羅浮宮 晚裝篇

再黎...就係晚裝啦

仲記得個時, 揀晚裝, 揀到火滾.......

咁leung.........

我個樣又leung, 再揀d咁leung.....叫我想點先....

試左幾件....leung到想打爆塊鏡呀...

個sales仲同我講, 影婚紗相最緊要係笑容個d啦, 衫都係其次.........................

係姐...咁唔鐘意....著左都笑唔出啦..

 

最後....sales 姐姐拎左呢一件比我試...

講真, 我都唔想揀呢件啦...因為本人自問冇身材! 大肚腩...揀左即係叫我黎緊到影相個日都唔可以食野都或者會遮得住....

但係.....已經再冇野好揀了...

所以只有唔食野啦...

 

影相前個一刻, 我同mr. b互相提點....
縮肚呀....哈哈哈哈哈哈哈哈哈哈

pre-wedding - 羅浮宮 婚紗篇

琴晚好開心收到D相, 睇完又睇...睇完又睇

靚就唔係好靚架啦.........因為太COPY式了...............

不過第一次.....點都開心既...

嘻嘻~~~

影呢一張時, 我地笑左好耐, 攝影哥哥先影到...勁唔慣影呢D啦...哈哈哈

 

大家睇下.....MR. B個日唔知點GEL頭架....攪到自己成個呀旺頭咁啦.....
揀相個日一見到咁, 我地係咁笑, 笑到其他揀緊相既人都睇下我地做咩....笑死我

 

總括黎講, 呢D相...OK啦..........

總有唔完美既地方, 因為我都係一個唔完美既人........

當係一個我地既回憶啦...

 

pre-wedding - 羅浮宮收相了...

等左3個月

終於都收相了

第一次既pre-wedding @ 羅浮宮

始終呢一輯都係玩下性質

唔係咁上心

自己揀左邊d相都冇咩印象

仲連油畫係邊張都唔記得

不過..話晒都比左錢upgrade....點都會期待

 

黎啦..

搵定個嘔吐袋先啦~!!!

婚紗look

紅色晚裝

好啦...

嘔住兩張先啦......再upload個d會私友化左啦...

因為

唔想嘔死咁多人呀...

 

唔驚既blog友..你地唔想睇都會睇到..

未睇到既...又好想食飽嘔下既, 留言比我, 我比你地睇啦!

 

 

心心花囍印

今次整左一個心心花囍印....

可以印係我地個利士封面.........今個weekend試試個效果先.....

初初整呢個印個時, 係諗住雕通埋個d心心架.....係我心急...印下睇下咩效果先啦........點知又好似幾好喎, 攪到我依家都唔知雕唔雕通埋d心好...............怕雕通埋, 個texture感覺唔夠rich咁........唔知呀~~!!

點算?~!

anniversay @ shake'em bun

終於都去左shake'em bun~就當係anniversary 既一個special...

一如以往.....去到邊, 我地都係order到成枱都係野食...哈哈哈哈~

2個人...食足4-5個人既分量~

 

 

仲話減肥喎.......越減越肥.........................

不過..呢一餐又食得好開心既~~ 肥左都抵既.........