婚前輔導

從來我同mr b都唔覺得有需要去參加婚前輔導的...

因為我地相處係已經有一套獨特既formula....所以對住佢地要教我地點會相親相愛...我地都覺得冇咩咁大既需要

不過...亦都因為我地係冇得揀...所以只好去上了...冇咩特別期望......只怕我地2個會忍唔住恰眼訓啦!

呢個weekend...終於我地上左呢個course了..講師係幾pair既已婚couple...佢地都好年輕好活力呢...!

talk既內容大多同我地諗既係差唔多.....不過當中佢地都加左一d活動同埋discussion比我地..令我地上堂既時間感覺上加快左啦..!

當中都有幾個浪漫既環節..嘻~~真係意想不到呢...好令參加既咁多pair準新人一齊溫馨一番~!!

我地比相像中投入...亦比相像中獲益良多呢~!

係第二日既分享中, 我地帶左我地既準備左的回禮小禮物同groupmate 分享....
嘻~~仲比佢地選出同所有人分享我地既心思...最後仲有個小禮物送比我地呀..~!真係好開心有人賞識我地的心意~

第二日既內容都好精彩........一完lunch, 就叫我地玩下一d小遊戲...哈哈~我同mr b 緊係嘈到不得了啦...人地個個都好溫文咁貼對方...而我地......哈哈~

右手係貼優點, 左手係缺點....哈哈~~

係第二日中, 除左自然生育計劃之外, 最最最精彩既就係馮神父的講導和祝福....真係有好深既感受呢....

而最後既 "婚姻星光路" , 雖然只係好簡單點起candle, 叫我地互相圍圈向前行....mc會一直講我地既將來....結婚後一年, 有小朋友之後, 小朋友都成長了..我們都老了......反而呢一part我地兩個真係冇諗呢....比左我地一個好好既機會去反思....

係完左呢一part之後, 我地睇到個candle上貼左一句詩篇總括了我地上既呢個course....

"乾餅一張而平安共食, 勝於佳餚而互相爭吵"