回禮小禮物 - 進行中

話說好懶既我.....其實都有整緊我地個回禮小禮物呢..

當初, 諗都冇諗過要整呢一樣野, 因為酒樓都已經有個中式餅送啦....仲諗住可以慳返唔駛諗....

點知...媽媽開口話要有d野送比黎church觀禮既人...

都諗左好耐整咩.....因為唔想有我地個樣, 人地睇見唔安樂...唔想係一樣放係枱面阻住晒既野...掉又唔係唔掉又唔係..............

所以我同mr b就諗到整一個香花磁石包啦......冇我地個真樣....唔駛成日見到作嘔...可以sip係雪櫃面...都唔會好阻住呀.....再加上就係....我地兩個都好鐘意sip磁石係雪櫃面架.....

有人聽到我地呢個包包係全人手整, 即嚇親.....其實當初我緊係冇咁諗過啦....一心都係諗住係mr b 公司到整到架......點知...經濟唔好...所以我都唔敢叫佢係公司到整私人野呢...

就只有一手一腳整....學雕章................去買布..........返黎剪布(交左比妹妹..最後係爸爸剪晒)

之前就雕雕雕又印印印

依家我日日都係到縫縫縫縫縫縫縫縫~~

皆因仲未搵到平靚正香味乾花...所以只係縫住3邊先........

前面: 一對我自己畫既公仔...

後面: 當然係我地既婚禮主題 - 旻
人地就成日都話妳的名字他的姓氏, 我地就他的名字我的名字
哈哈哈哈

成品sample, 呢個整左黎係上婚輔時分享既.....

 

ps 1: 其實呢個小禮物都有d意思架...就係希望我地既guest係參加左我地既甜蜜見証之後,
帶著我們這份心思同喜悅返屋企...
當係屋企雪櫃面見到既時候都會覺得 " love is all around"..
記得好好去愛與好好被愛~

ps 2: 有冇人可以話到比我知...邊到有平靚正既乾花買呢?

ps 3: 呀妹呀!!!!!!!!!!!!!你好快手d同我去搵啦~~~~~~~~~哈哈哈

ps 4: 有妹妹...多好~